Парушэннi на маршрутным транспарце

Источник материала:

Бяспека руху

Як паведамiлi ва ўпраўленнi ДАI Мiнiстэрства ўнутраных спраў Беларусi, «даiшнiкi» сумесна з прадстаўнiкамi транспартнай i па- датковай iнспекцый правялi шэраг рэйдаў. Падчас гэтых «маршрутных праверак» было выяўлена 1611 парушэнняў Правiлаў дарожнага руху. Найчасцей вадзiцелi маршрутных транспартных сродкаў не падпарадкоўвалiся сiгналам рэгулявання дарожнага руху, не выконвалi патрабаваннi дарожных знакаў i разметкi, парушалi правiлы праезду перакрыжаванняў. Падчас рэйдаў было зафiксавана 750 падобных выпадкаў. Таксама выяўлена 13 фактаў кiравання маршрутнымi транспартнымi сродкамi ў нецвярозым стане, а 7 вадзiцеляў не мелi пры сабе пасведчанняў i дакументаў на аўтобусы.

Увогуле, так бы мовiць, прававая культура перавозчыкаў пасажыраў не вельмi высокая. Напрыклад, у 24 перавозчыкаў на момант праверкi адсутнiчалi лiцэнзii, у 26 вадзiцеляў не было адзнакi аб праходжаннi медагляду, у 51 — не было пуцявога лiста, у 23 транспартных сродкаў не было адзнакi аб праверцы тэхнiчнага стану. А нярэдка на маршрут выязджалi i няспраўныя машыны. Толькi ў Мiнску па выяўленых парушэннях была забаронена эксплуатацыя 150 адзiнак маршрутнага транспарту.

У Дзяржаўтаiнспекцыi запэўнiлi, што кантроль за работай маршрутнага транспарту ўсiх формаў уласнасцi будзе праводзiцца пастаянна, а да парушальнiкаў будуць прымяняцца самыя жорсткiя меры.