Хроніка апошніх падзей

Источник материала:

Прэзiдэнт Украiны Вiктар Юшчанка не выключае магчымасць выкарыстання адмiнiстрацыйнага рэсурсу на выбарах 26 сакавiка. Пра гэта кiраўнiк дзяржавы заявiў расiйскай газеце «Коммерсант».

У адказ на пытанне пра магчымае выкарыстанне адмiнрэсурсу кiмсьцi з членаў яго каманды Юшчанка заўважыў: «Я не выключаю гэтага». «Размова, перш за ўсё, iдзе пра органы мясцовага самакiравання. Сумленныя выбары — гэта як новая культура. Для 80 працэнтаў яна зразумелая, для 10 — прадмет абдумвання, а астатнiя 10 працэнтаў не ведаюць, што можна жыць iнакш», — сказаў украiнскi прэзiдэнт. На думку Юшчанкi, нiякiх сацыяльных узрушэнняў маючыя адбыцца выбары ў Вярхоўную раду i мясцовыя органы ўлады не выклiкаюць, бо «каналы фальсiфiкацыi» галасавання афiцыйнаму Кiеву ўдалося перакрыць. У той жа час спiкер Рады Уладзiмiр Лiтвiн заявiў «РIА Новости», што не выключае фальсiфiкацыi вынiкаў парламенцкiх выбараў.

БЕЗ СОЛI I ЗАПАЛАК ЖЫЦЦЁ НЕ ЦУКАР

Каля 59 працэнтаў расiян штодня сутыкаюцца з праблемай дэфiцыту ў крамах тавараў першай неабходнасцi, паведамляюць «Новые Известия», спасылаючыся на даследаванне, праведзенае Аналiтычным цэнтрам Юрыя Левады.

34 працэнты апытаных заявiлi, што з дэфiцытам такiх тавараў, як соль, цукар i запалкі, у апошнi час не сутыкалiся. Аднак для 59 працэнтаў рэспандэнтаў нястача тавараў першай неабходнасцi ў крамах з’яўляецца надзённай праблемай. Найбольш востра яна стаiць ва Уральскай, Паволжскай i Цэнтральнай акругах, а таксама ў гарадах з колькасцю насельнiцтва ад 10 да 500 тысяч чалавек.

44 працэнты апытаных звязваюць перабоi з пастаўкамi солi, цукру i запалак з iмкненнем гандляроў нажыцца на павышэннi цэн. 14 працэнтаў абвiнавачваюць у няхватцы цукру i солi Украiну. 7 працэнтаў насельнiцтва лiчаць, што гэта з’ява гаворыць пра будучы эканамiчны крызiс i ўсеагульны дэфiцыт.

АБАЯЛЬНАЯ СЦIПЛАСЦЬ МIЛЬЯРДЭРАЎ...

У спiсе аўтамабiляў, якiя водзяць самыя багатыя людзi планеты, амаль няма гучных марак, вядомых сваёй раскошай. Пра аўтавыбар мiльярдэраў расказаў амерыканскi часопiс Forbes.

Заснавальнiка кампанii Microsoft i самага багатага чалавека ў свеце Бiла Гейтса задавальняюць два сцiплыя Porsche. Кабрыялет 1991 года выпуску Porsche 911 Гейтс мог бы змянiць, тым больш што кампанiя стварыла ў 2005 годзе абноўленую версiю гэтай мадэлi. Калi Porsche 911 — гэта амаль радавы аўтамабiль, якi можна знайсцi ў гаражы любога заможнага амерыканца, то другi Porsche Гейтса мадэлi 959 — гэта сапраўды рэдкая машына. Усяго iх было выпушчана 230 штук. Прычым у ЗША гэта мадэль працяглы час была пад забаронай з-за неадпаведнасцi экалагiчным стандартам i нiзкiх паказчыкаў бяспекi. Уорэн Бафет, якi займае другое месца ў спiсе багачоў i валодае 42 мiльярдамi долараў, ездзiць на утылiтарным Lincoln Towncar Signature Series, 2001 года выпуску. Чаму самы ўдалы i скупы iнвестар свету выбраў менавiта гэты аўтамабiль, сказаць складана. Бафет мог купiць сабе i што-небудзь накшталт Ford Crown Victoria i зэканомiць яшчэ пару тысяч долараў...

Але нават Бафету далекавата да Iнгвара Кампрада — чацвёртага нумара ў спiсе самых багатых людзей свету — з яго Volvo 240 GL, 1993 года выпуску. Заснавальнiк кампанii IKEA, самы багаты чалавек Швецыi не жадае адрывацца ад народа, на якiм ён зарабляе свае мiльярды. Хоць у гаражы Кампрада i стаiць 13-гадовая Volvo 240 GL, на работу ён звычайна ездзiць на... аўтобусе! Дарэчы i ў больш доўгiх падарожжах мiльярдэр таксама аскетычны: ён лятае эканомкласам i спыняецца ў танных атэлях.