Бiлеты калекцыянiраваць не спрабавалi?..

Источник материала:

Наведвальнiкi музея маглi заў-важыць перамену летась, калi ўпершыню замест шэрай непрыгляднай паперкi iм у рукi давалi прыгожы бiлет, на якiм акрамя выявы музея можна было заўважыць неабходную iнфармацыю пра яго мерапрыемствы i выставы, з адрасамi фiлiялаў i нават адрасам у Iнтэрнэце. Многiя выдатныя музеi свету, якiя паважаюць сябе i сваiх наведвальнiкаў, сёння маюць асаблiвыя, не падобныя на iншыя бiлеты. Наш музей мае вялiкi унiкальны збор твораў. Значыць, ужо з уваходу чалавек павiнен гэта адчуць.

Распрацаваць адзiн бiлет на ўсё жыццё, пагадзiцеся, было б нецiкава. Кожны год уваходны бiлет у Дзяржаўны мастацкi музей будзе новы. На гэты раз пашчасцiла маладой мастачцы-дызайнеру Настассi Скабцовай са Светлагорска. Акрамя таго, што дзяўчына можа не без гонару сказаць: яе праца знаходзiцца ў галоўным музеi краiны (гэты бiлет жа таксама можна лiчыць невялiчкiм мастацкiм творам!), дык яна яшчэ i атрымала прэмiю за перамогу ў памеры 500 000 рублёў.

Журы прызнала, што сёлета выбiраць лепшых было нашмат складаней. Таму што летась сярод 16 канкурсантаў адразу быў фаварыт. Сёлета сярод 21 удзельнiка вызначылася група фаварытаў. Важна i тое, што такiм чынам падтрымлiваюцца маладыя дызайнеры. «Конкурсаў дызайну наогул у нас мала», — адзначыў Дзмiтрый Сурскi, старшыня Беларускага саюза дызайнераў. — Выдатна, што музей працягвае пачатую год таму справу. Але зрабiўшы першы крок, трэба рабiць i наступны. Можна пайсцi далей i падумаць пра тое, каб распрацаваць фiрменны стыль Нацыянальнага мастацкага музея».

Уладзiмiр Пракапцоў прыкметна ажывiўся на гэтых словах. Дэрэктар музея паведамiў, што зусiм нездарма ён носiць кашулю сiняга колеру. Сiнi выбраны карпаратыўным колерам музея.

Цiкава, што ў новым бiлеце ўсё-такi пануе сонечна-аранжавае адценне. Мастацтва дапамагае напаўняць душы цеплынёй, а новы бiлет абяцае добры настрой з першых крокаў па галоўнаму музею краiны.