Высокiя дасягненнi ў спорце i мастацтве

Источник материала:

Паводле iнфармацыi першага вiцэ-прэзiдэнта НАК РБ Генадзя Аляксеенкі, за гэты час нашы атлеты ўзялi ўдзел у сямi Алiмпiйскiх гульнях (трох летнiх — Атланта-96, Сiднэй-2000, Афiны-2004 — i чатырох зiмовых — Лiлехамер-94, Нагана-98, Солт-Лэйк-Сiцi-2002, Турын-2006).

Самае вялiкае прадстаўнiцтва нашай краiны было ў Атланце — 144 атлеты, а найвялiкшая колькасць вiдаў спорту, дзе бралi ўдзел беларусы, 23 — у Афiнах. Самы вялiзны медальны ўлоў атрымаўся ў Сiднэi — 17 узнагарод. Усяго прызёрамi сталi 56 спартсменаў, якiя заваявалi 53 алiмпiйскiя медалi (6 залатых, 18 сярэбраных i 29 бронзавых). Першую ўзнагароду, сярэбраную, на дэбютных для нашай краiны Гульнях у Лiлехамеры здабыў канькабежац Iгар Жэлязоўскi, а першае «золата» прынесла веславальшчыца Кацярына Карстэн-Хадатовiч (яна станавiлася алiмпiйскай чэмпiёнкай у 1996-м i 2000-м). Акрамя яе ў нас яшчэ чатыры пераможцы Гульняў: у 2000-м iмi сталi лёгкаатлеткi Элiна Зверава (дыск) i Янiна Карольчык (ядро), у 2004-м — Юлiя Несцярэнка (100 метраў) i дзюдаiст Iгар Макараў.

Першым прэзiдэнтам НАК РБ з’яўляўся Уладзiмiр Рыжанкоў (у той час мiнiстр спорту i турызму РБ), якi атрымаў узнагароду МАК «За адзiнства алiмпiйскага руху». У маi 1997-га НАК РБ узначалiў прэзiдэнт нашай краiны Аляксандр Лукашэнка. За сваю дзейнасць i спартыўны iмiдж кiраўнiк дзяржавы стаў уладальнiкам спецыяльнага прыза МАК «Вароты Алiмпа». Па iнiцыятыве прэзiдэнта ў Мiнску быў пабудаваны жыллёвы комплекс «Алiмпiйскi», што спрыяла вырашэнню кватэрнага пытання для 45 чэмпiёнаў i прызёраў Алiмпiйскiх i Паралiмпiйскiх гульняў, 79 чэмпiёнаў i прызёраў свету i кантынентальных першынстваў, 55 удзельнiкаў Алiмпiяд, 70 прадстаўнiкоў нацыянальнай зборнай, 36 спецыялiстаў, якiя маюць стаж працы ў галiне фiзкультуры i спорту больш за пятнаццаць гадоў.

Дзякуючы дзейнасцi НАК РБ у нашай рэспублiцы з’явiлiся школы па цяжкай атлетыцы iмя Валерыя Шарыя i па мастацкай гiмнастыцы Марыны Лобач, Палац воднага спорту, футбольны стадыён з аўтаматычнай сiстэмай палiўкi газона i не толькi. У Мiнску адкрыўся музей алiмпiйскай славы. Штогод пры падтрымцы НАК РБ выбiраюцца дзесяць мацнейшых спартсменаў краiны (летась iмi сталi лёгкаатлет Iван Цiхан, веславальшчыца Кацярына Карстэн, лёгкаатлетка Надзея Астапчук, тэнiсiст Уладзiмiр Самсонаў, велагоншчыца Наталля Цылiнская, канькабежка Анжэлiка Кацюга, лёгкаатлет Вадзiм Дзевятоўскi, барэц Алiм Селiмаў, тэнiсiст Максiм Мiрны i футбалiст Аляксандр Глеб).

НАК РБ развiвае не толькi спорт вышэйшых дасягненняў, але i масавы. Аб гэтым сведчаць традыцыйныя акцыi: «Алiмпiйскi дзень бегу», «Алiмпiйцы сярод нас», «Алiмпiяда — не толькi для алiмпiйцаў», «Шлях алiмпiйскага агню», «Я малюю спорт», «Пакары сваю вяршыню», «За здаровы лад жыцця». НАК РБ таксама ўзяў шэфства над жодзiнскай школай-iнтэрнатам i праводзiць дабрачынныя акцыi з удзелам вядомых атлетаў па ўсёй краiне.

Пятнаццаць гадоў не такi вялiкi тэрмiн для алiмпiйскай гiсторыi. У нас усё яшчэ няма чэмпiёна зiмовых Гульняў, але тое, што Беларусь прызнаная ў спартыўным свеце (маю на ўвазе не толькi афiцыйнае прызнанне МАК), сумнявацца не прыходзiцца. Уплываюць на гэта не толькi перамогi нашых атлетаў: шэсць гадоў таму студэнтка Акадэмii мастацтва РБ Дар’я Мароз перамагла ў конкурсе «Спорт i мастацтва». Яе малюнак «Агонь Алiмпа» быў выстаўлены на Алiмпiядзе ў Сiднэi i потым перададзены ў алiмпiйскi музей у Лазане.