«Iнстытут узнiк як клопат дзяржавы пра лiтаратуру»

Источник материала:

Iнстытут лiтаратуры вядомы далёка за межамi Беларусi як буйны навуковы цэнтр, адзначыў выконваючы абавязкi дырэктара Iнстытута, доктар фiлалагiчных навук Валерый Максiмовiч. У розныя гады ўстанову ўзначальвалi акадэмiкi Iван Замоцiн, Васiль Барысенка, Мiхась Лынькоў, Iван Навуменка, Вiктар Каваленка, Уладзiмiр Гнiламёдаў. «Iнстытут узнiк як клопат дзяржавы пра лiтаратуру. Сотнi тамоў твораў выйшлi за гэтыя гады, — падкрэслiў галоўны навуковы супрацоўнiк Iнстытута лiтаратуры, акадэмiк Ул. Гнiламёдаў. — Нашы даследчыкi — людзi высокай квалiфiкацыi, якiя фанатычна любяць лiтаратуру. За 75 гадоў дзейнасцi Iнстытут нямала зрабiў для ўсталявання i развiцця навук аб лiтаратуры i для самой беларускай лiтаратуры».

На прэс-канферэнцыi адбылася зацiкаўленая размова адносна будучынi беларускай лiтаратуры. «Некаторыя ўпэўнены: няма зараз беларускай лiтаратуры (колькi разоў яе ўжо закрэслiвалi!), але ж лiтаратура iснуе незалежна ад падобных выказванняў», — лiчыць Сцяпан Лаўшук, загадчык аддзела сучаснай беларускай лiтаратуры, член-карэспандэнт НАНБ. Сучасную лiтаратуру заўсёды вызначае сплаў традыцый i навацый. «Тэарэтычны агляд дасягненняў — адпраўны пункт для таго, каб уявiць, што нас чакае наперадзе. Бо тэорыя — найперш прадбачанне», — мяркуе загадчык аддзела тэорыi лiтаратуры, доктар фiлалагiчных навук Мiхась Тычына.

У прэс-канферэнцыi бралi ўдзел не толькi даследчыкi лiтаратуры, але i вядомыя паэты, пiсьменнiкi, кiраўнiкi лiтаратурных музеяў краiны.