Старыя японцы «ламаюць галаву»

Источник материала:

IНФАРМ-УКОЛ

Справа ў тым, што адзiн японскi неўролаг стварыў i распрацаваў праграму трэнiроўкi мозгу, на падставе якой былi створаны спецыяльныя гульнi i кнiгi. Велiзарную папулярнасць маюць 6-ме-сячныя курсы «заняткаў для здаровага мозгу». Вучнi, кожнаму з якiх за семдзесят, паўгадзiны на тыднi выконваюць практыкаваннi i атрымлiваюць заданнi для штодзённай трэнiроўкi дома. Вучоныя мяркуюць, што падобныя заняткi паляпшаюць памяць i нават даюць палёгку пры станах са знiжэннем разумовай дзейнасцi.

НЕБЯСПЕЧНАЕ ПАВЕТРА IЕРУСАЛIМА

Еўрапейскiя даследчыкi прыйшлi да высновы, што жыхары Iерусалiма больш падвяргаюцца ракавым i сардэчна-сасудзiстым захворванням, чым жыхары большасцi еўрапейскiх краiн. Спецыялiсты мяркуюць, што спрыяе адмоўнай сiтуацыi высокая канцэнтрацыя цэрыю ў паветры iзраiльскай сталiцы.

Высокае ўтрыманне небяспечнага рэчыва ў паветры павялiчвае небяспеку захворванняў сэрца i сасудаў. Цэрый з’яўляецца ў вынiку перапрацоўкi машыннага палiва. Раней было даказана, што ён уплывае на развiццё ракавых захворванняў, у тым лiку рака лёгкiх.

БЕЗ КАМЯНЁЎ, АЛЕ З ГIПЕРТАНIЯЙ

Ударная ультрагукавая лiтатрыпсiя — неаператыўнае разбурэнне камянёў у нырках павялiчвае рызыку развiцця цукровага дыябету, гiпертанiчнай хваробы i атлусцення.

Аб гэтым сведчаць вынiкi дзевятнаццацiгадовага назiрання за хворымi, якiя падверглiся дадзенаму метаду лячэння мочакаменнай хваробы. Рызыка развiцця дыябету павялiчваецца ў тры разы, гiпертанii — у паўтара раза. Абследаваныя хворыя падвяргалiся лячэнню на лiтатрыптары Dornier HM3, якi лiчыцца залатым стандартам пры правядзеннi дадзенай манiпуляцыi. Частата аддаленых ускладненняў лiтатрыпсii прама прапарцыянальна колькасцi ультрагукавых удараў, якiя перанёс хворы.