Цiск правераць... у метро
Сяргей ГРЫБ
Акцыя пад назвай «Нармальны цiск — нармальнае жыццё» пройдзе з 7 па 9 чэрвеня ў беларускай сталiцы. У рамках яе ўсiм жадаючым плануецца прапанаваць памераць уласны крывяны цiск i, у выпадку адхiленняў, атрымаць спецыяльную лiтаратуру з рэкамендацыямi. Прычым, адзначыў старшыня камiтэта па ахове здароўя Мiнгарвыканкама Дзмiтрый Пiневiч, прайсцi своеасаблiвае экспрэс-абследаванне магчыма будзе ў аптэках, а таксама на 10 буйнейшых станцыях метрапалiтэна.
Паводле слоў Дзмiтрыя Пiневiча, захворваннi сардэчна-сасудзiстай сiстэмы складаюць амаль 54 працэнты ад агульнай колькасцi выпадкаў смяротнасцi сярод мiнчан. Прычым у тым лiку пад уплывам паступовага павелiчэння насельнiцтва ва ўзросце больш за 65 гадоў, за апошнiя сем гадоў узровень захворваемасцi тут павялiчыўся практычна ў паўтара раза. З улiкам гэтага, адзначаюць у камiтэце аховы здароўя, стаўка павiнна рабiцца не толькi на сучасныя метады лячэння, але таксама — на ранняе выяўленне праблем i прафiлактыку. У прыватнасцi, чакаецца, што да 2007 года цэнтры прафiлактыкi сардэчна-сасудзiстых захворванняў будуць працаваць у кожным раёне сталiцы. Мiж тым, штогод у сталiцы рэгiструецца звыш 3 млн захворванняў — у сярэднiм па два на кожнага жыхара горада. Таму не меншую ўвагу плануецца надаваць першаснай медыцынскай дапамозе. Так, паведамiў Дзмiтрый Пiневiч, зараз у Мiнску вядзецца рэканструкцыя 20 палiклiнiк. I, апроч таго, запланавана iх стварэнне ў раёнах новабудоўляў. Да прыкладу, чакаецца, што новая палiклiнiка ў мiкрараёне Мiлiнаўка-8 з’явiцца ў 2007, а ў Сухараве — у 2008 годзе.
Чтобы разместить новость на сайте или в блоге скопируйте код:
На вашем ресурсе это будет выглядеть так
Акцыя пад назвай «Нармальны цiск — нармальнае жыццё» пройдзе з 7 па 9 чэрвеня ў беларускай сталiцы. У рамках яе ўсiм жадаючым плануецца прапанаваць па |
|