Мiкалай ЧАРГIНЕЦ: «МПС крытыкуе вайну»

Источник материала:

На 114-ай Асамблеi МПС, якая праходзiла ў Кенii, сабралiся прадстаўнiкi 116 краiн свету. Паводле слоў М. Чаргiнца, такая колькасць краiн дазваляе пазбегнуць перавагi нейкага аднаго погляду на сусветныя праблемы, што выгадна адрознiвае гэту арганiзацыю ад iншых мiжнародных структур з адным «прадузятым» поглядам. Адсутнiчаюць «заангажыраваныя адносiны» ў гэтай арганiзацыi, адзначыў старшыня камiсii па мiжнародных справах i сувязi з СНД Палаты прадстаўнiкоў Нацыянальнага сходу Беларусi Вадзiм Папоў, i да Беларусi. Паводле яго слоў, да нашай краiны там «адносiны больш аб’ектыўныя, не так як у АБСЕ». Гэта бачна i па тым, што прадстаўнiкi Беларусi ўваходзяць у кiруючыя органы МПС. Гэта лiчыцца даволi прэстыжным, бо М. Чаргiнец, напрыклад, увогуле назваў МПС «сусветным парламентам». На Асамблеi ў Кенii Беларусь унесла свае прапановы па некалькiх рэзалюцыях: аб нераспаўсюджваннi стралковай зброi, аб абароне навакольнага асяроддзя i iнш. Мела да Беларусi дачыненне i пасяджэнне аднаго з камiтэтаў — па правах парламентарыяў. На iм, у прыватнасцi, быў абмеркаваны ход расследавання справы аб знiкненнi Вiктара Ганчара.