Курс — на новыя рынкі збыту

Источник материала:

Купляй беларускае

Паводле слоў дырэктара ААТ «Барысаўскi малочны камбiмнат» Уладзiмiра Лапiцкага, нашы тварожныя i ёгуртавыя распрацоўкi маюць цудоўны смак i, галоўнае, у iх вытворчасцi скарыстоўваецца толькi натуральны прадукт i дабаўкi. Сёлета камбiнат збiраецца ажыццявiць iнвестыцыйны праект рэканструкцыi коштам 1 мiльён 300 тысяч еўра адразу па пяцi напрамках.

Iстотную ролю ў распаўсюджваннi прадукцыi камбiната адыгрывае цэнавы фактар. Так, з пачатку сакавiка ў рэспублiцы былi павялiчаны закупачныя цэны на прымаемае ў вяскоўцаў малако, а прадукцыя камбiната каштуе, як i раней, на 10—15 працэнтаў танней, чым адпаведны асартымент славутых брэндаў. Зараз камбiнат свае ёгурты, сыркi i кефiры пад маркай «Здравушка» прадае жыхарам Гомельскай, Магiлёўскай, Вiцебскай абласцей. У лютым прадукцыю малочнай перапрацоўкi барысаўскага камбiната пачалi купляць у Смаленску, а ў сакавiку — у Бранску.

Летась у Расiю завод прадаў сухога малака i масла на суму каля 2 мiльёнаў долараў. Акрамя гэтых, ужо традыцыйных прадуктаў экспарту, камбiнат плануе сёлета паставiць у Расiю не менш як 1950 тон цэльнамалочнай прадукцыi. За першыя два месяцы года завод ужо прадаў рэгiёнам Расii 20 тон сухога малака i 40 тон цэльнамалочнай прадукцыi. «Здравушка» ў рэгiёнах суседняй краiны карыстаецца павышаным попытам.