Стаць студэнтам... любой цаной!

Источник материала:

— Хачу ўсiх папярэдзiць, што згодна з зацверджанымi Правiламi прыёму ў вышэйшыя навучальныя ўстановы абiтурыентам ВНУ дазваляецца здаваць цэнтралiзаванае тэсцiраванне не больш чым па трох вучэбных дысцыплiнах, — падкрэслiў Мiкалай Фяськоў. — Мы, зразумела, рыхтавалiся да таго, што будуць жадаючыя гэтыя правiлы абысцi i зарэгiстравацца ў розных месцах на розныя дысцыплiны. Але яны не ўлiчылi тыя абставiны, што ўся iнфармацыя паступае з пунктаў рэгiстрацыi ў наш iнстытут, дзе электронны кантралёр без праблем вылiчвае хiтруноў.

Я параiў бы гэтым маладым людзям у блiжэйшы час вызначыцца з выбарам трох дысцыплiн, якiя яны будуць здаваць на цэнтралiзаваным тэсцiраваннi i вярнуць астатнiя пропускi ў пункты рэгiстрацыi. У любым выпадку «чорныя спiсы» з iх прозвiшчамi будуць даведзены да ўсiх месцаў правядзення цэнтралiзаванага тэсцiравання. Таму больш за тры дысцыпліны iм здаць на ЦТ не ўдасца. I нават калi каму-небудзь з iх пашчасцiць «прасачыцца» на тэст-экзамен, чацвёрты цi пяты сертыфiкат цэнтралiзаванага тэсцiравання яны не атрымаюць. Падчас апрацоўкi тэставых работ у нас таксама дзейнiчае кантрольная камп’ютарная праграма. Хачу нагадаць таксама, што экзамен па дзяржаўнай мове можна здаваць толькi адзiн раз i адразу трэба вызначыцца з выбарам адной з дзвюх дзяржаўных моў: гэта можа быць або руская, або беларуская мова. Другi сертыфiкат па дзяржаўнай мове мы выдаваць удзельнiкам цэнтралiзаванага тэсцiравання не будзем...