Парад кiнапрэм’ер
Раман КОСЦIН
Сiнема УП «Кінавідэапракат» Мінгарвыканкама з 18 па 19 мая прадстаўляе чарговы праект «КІНАпракат 4х4».Новы драматычны трылер «Маё сэрца бiцца перастала» зняты ў Францыi. Фабулу карцiны рэжысёр i сцэнарыст Жак Одыяр узяў са стаўшага класiкай фiльма Джэймса Тобака «Пальцы». Адораны малады чалавек жыве двайным жыццём. З аднаго боку, ён абавязаны падтрымлiваць паўкрымiнальны бiзнэс свайго бацькi i дапамагаць выцягваць грошы з яго даўжнiкоў, i ў такiя моманты ён бязлiтасны гангстэр з бейсбольнай бiтай у руках. Адкладваючы бiту, ён ператвараецца ў выдатнага пiянiста, якi тонка разумее класiку. У падрыхтоўцы да прафесiйнага праслухоўвання яму дапамагае маладая кiтайская пiянiстка, якая нi слова не разумее па-французску (як i ён па-кiтайску), i паступова, як звычайна, урокi перарастаюць у штосьцi большае. Але зноў трэба брацца за бiту, i на гэтай глебе малады чалавек пачынае пакрысе вар’яцець... У фiльме здымаюцца Ромен Дзюры, Орэ Ацiка, Эмануэль Дэвос, Нiльс Арэструп. Карцiна ўдастоена адразу васьмi прэмiй «Сезар», прэмii «Люм’ер», а таксама ўдзельнiчала ў конкурснай праграме МКФ «Берлiнале-2005». Кiнамайстрамi Францыi створана i новая рамантычная кiнакамедыя «Майстэрства прыгожа апранац-ца». Яе паставiў рэжысёр Мiшэль Дэвiль. ...Эдуард i Люсет — палюбоўнiкi, страшэнна захопленыя сэксам. Ён — распешчаны малады чалавек, якому патрэбны грошы. Яна — вядомая ў парыжскiх кругах асоба, якая ведае, чаго яна хоча дабiцца. Тайком ад Люсет Эдуард збiраецца ажанiцца з маладой, прывабнай i багатай дзяўчынай. Але пры гэтым ён зусiм не хоча страцiць Люсет. А тая, выпадкова даведаўшыся аб намерах Эдуарда, збiраецца жорстка адпомсцiць яму... У ролях: Эмануэль Беар, Шарль Берлiнг, Жулi Дэпардзье, Дамiнiк Блан, Клеман Сiбонi. У праграму «Кiнафармата» ўключана таксама новая iтальянская кiнакамедыя «Тыгр i снег». Рэжысёр-пастаноўшчык — Раберто Бенiньi. Фiльм удастоены прэмii «Сярэбраная стужка» Iтальянскай асацыяцыi кiнажурналiстаў за лепшую арыгiнальную iдэю i лепшую аператарскую работу. ...Ацiлiо дэ Джаванi — таленавiты паэт, якi абагаўляе сваю музу, цудоўную Вiторыю, якая кожную ноч з’яўляецца яму ў сне. Але аднойчы ён сустракае гэту жанчыну ў рэчаiснасцi i iмгненна ўлюбляецца ў яе. Але Вiторыя не адказвае яму ўзаемнасцю, i Ацiлiо прыходзiць у адчай. Выпадкова паэт даведваецца, што падчас амерыканскай ваеннай кампанii ў Iраку яго каханую захапiлi ў палон. Вырашыўшы вызвалiць сваю музу, Ацiлiо, якi не ведае арабскай мовы i не валодае нiякай зброяй, адпраўляецца на Блiзкi Усход. У галоўных ролях сыгралi Раберто Бенiньi i Нiколета Брасчы. З вялiкай цiкавасцю глядзiцца таксама японская гiстарычная кiнадрама «Схаваны клiнок». Аўтары сцэнарыя — Ёдзi Ямада i Ёсiтака Асама, рэжысёр-пастаноўшчык — Ёдзi Ямада. ...У сярэдзiне ХIХ стагоддзя ў маленькiм княстве Унасаку на паўночна-заходнiм узбярэжжы Японii жыве бедны самурай Мунедзо Кiтагiры. У яго доме, нягледзячы на беднасць, было цёпла i весела i самому Мунедзо, i яго мацi, i малодшай сястры Сiно, i прыгожай служанцы Кii. Да таго часу, пакуль Мунедзо не выявiў у сабе растучае забароненае каханне да Кii i адначасова не аказаўся ўцягнутым у шэраг жорсткiх i ракавых падзей, звязаных са змовай унутры клана Унасака... Фiльм браў удзел у конкурснай праграме МКФ Берлiнале-2005 i ўдастоены прыза японскай кiнаакадэмii за лепшую работу мастака.
Чтобы разместить новость на сайте или в блоге скопируйте код:
На вашем ресурсе это будет выглядеть так
УП «Кінавідэапракат» Мінгарвыканкама з 18 па 19 мая прадстаўляе чарговы праект «КІНАпракат 4х4» |
|