Свята нашага пiсьменства ў Паставах

Источник материала:

Паставы, як i iншыя гарады рэспублiкi, дзе праходзiла гэтае унiкальнае маштабнае мерапрыемства, прысвечанае роднаму слову (Полацк, Тураў, Навагрудак, Нясвiж, Орша...), значна папрыгажэюць i адродзяцца. Паводле слоў старшынi Пастаўскага райвыканкама Эдуарда Казуры, прыводзiцца ў парадак не толькi гiстарычны цэнтр, але i ўскраiны, у тым лiку i дамы «прыватнага сектара». Iдзе капiтальны рамонт кiнатэатра, раённага Дома культуры, вузла паштовай сувязi, чыгуначнай станцыi. У гэтым дапамагаюць розныя мiнiстэрствы i ведамствы. У прыватнасцi, дзякуючы структурам «Саюздруку» выдзелена 80 мiльёнаў рублёў на набыццё новых ларкоў. Мяняюцца тратуары, у планах — абнаўленне пад’язной дарогi да горада. Праектаў так шмат, што нават не хапае будаўнiчых матэрыялаў. Паводле самых сцiплых падлiкаў, не хапае яшчэ мiнiмум 2 мiльярдаў рублёў. З аднаго боку гэта шмат, а з iншага... параўнальна «нямнога», бо тыя ж тратуары i г.д. не рамантавалiся па 20 гадоў i больш, а новы твар горада захаваецца на доўгiя гады. Канешне, такi «капiтальны рамонт» горада зробiць яго больш прывабным для турыстаў, у тым лiку i з краiн далёкага замежжа. Каб iх стала больш, шмат чаго робiцца ўжо зараз. «Выйдуць у свет» новыя выданнi, у якiх расказваецца аб славутай гiсторыi i сённяшнiх днях Пастаўшчыны. На тэрыторыi раёна знаходзяцца 6 заказнiкаў i 115 помнiкаў розных часоў. Распрацоўваюцца турыстычныя маршруты па гiстарычных месцах. Актыўна развiваецца сельскi турызм. Вядзецца актыўнае супрацоўнiцтва з замежнымi турфiрмамi ў рамках еўрарэгiянальнага праекта «Азёрны край».