Главная
Гороскопы
50 кiлаграмаў сукенак, касцюмаў, дзiцячых камбiнезонаў, шапачак. Для «асабiстага карыстання»
Барыс ПРАКОПЧЫК
Сiтуацыя У пункце мытнага афармлення «Брузгi» пасля праходжання па «зялёнаму каналу» быў вернуты мiкрааўтобус, у якiм восем жыхароў г. Гродна ехалi з Польшчы, зусiм не абцяжарваючы сябе думкамi аб дэклараваннi тавару i выплаце мытнай пошлiны.Паводле iнфармацыi намеснiка начальнiка Гродзенскай рэгiянальнай мытнi па праваахоўнай рабоце Аляксандра Высоцкага, у ходзе агляду ў гэтых людзей былi выяўлены тавары, якiя яны быццам бы купiлi ў Беластоку, прычым не паштучна, а «на вагу»: 10 кiлаграмаў сукенак, 10 кiлаграмаў дзiцячых камбiнезонаў, 10 кiлаграмаў шапачак... Да прыкладу, у аднаго пенсiянера, як на свае вочы пераканаўся карэспандэнт «Звязды», было 45 кiлаграмаў адзення i абутку. Паводле тлумачэння гэтага чалавека, прадпрымальнiцкай дзейнасцю ён не займаецца, а 5 кiлаграмаў дзiцячых камбiнезонаў, па 10 кiлаграмаў жаночых блузак, сарочак, спаднiц i касцюмаў набыў асабiста для сябе. Прычым ведае ён толькi вагу, а колькасць гэтых рэчаў, аказваецца, не мае для яго нiякага значэння. Адзiнае, што ведае ў штуках, дык гэта пяць пар абутку. 50 кiлаграмаў тавару было i ў яго жонкi, таксама пенсiянеркi. I зноў жа, маўляў, нiякай камерцыi, усё для сябе. «У гардэробе майго дзiцяцi можа быць што заўгодна, i нават 20 шапачак, — заявiла iншая жанчына. Пайшла i купiла свае 44,5 кiлаграма за «танныя капеечкi»: хачу — падлогу мыю, хачу — апранаю». Дарэчы, пра так званую «таннасць». Увесь тавар — гэта не нейкае барахло з дзiркамi ад молi, а рэчы зусiм новыя, без дэфектаў, з польскiмi фабрычнымi этыкеткамi. Цi маглi яны прадавацца на вагу? I цi мог вышэйзгаданы пенсiянер выкласцi са сваю партыю тавару ўсяго 200 долараў, калi яе кошт, згодна з папярэдняй i даволi сцiплай ацэнкай, складае 2000 еўра? Паводле слоў Аляксандра Высоцкага, ёсць усе падставы лiчыць, што цюкi з гэтым таварам людзi проста перавозяць, атрымлiваючы ўзнагароджанне ад сапраўднага гаспадара тавару, якi па зразумелых прычынах не афiшуе сваю асобу. У дадзеным выпадку ў iншай машыне ехала жанчына, якая пасля затрымання тавару прыбегла i пачала кансультаваць яго перавозчыкаў, як каму сябе паводзiць... Пратаколы аб адмiнiстрацыйным мытным правапарушэннi перададзены ў суд.
Чтобы разместить новость на сайте или в блоге скопируйте код:
На вашем ресурсе это будет выглядеть так
У пункце мытнага афармлення «Брузгi» пасля праходжання па «зялёнаму каналу» быў вернуты мiкрааўтобус, у якiм восем жыхароў г. Гродна ехалi з Польшчы |
|