«Дачка Усходу» ў спiсах цi значыцца?

Источник материала:

Mуз-news

На апошнюю, дарэчы, зняты цудоўны чорна-белы клiп, але на тэлеканалах я яго пакуль што не бачыла — давялося глядзець на мiнiфоне прадзюсара i клiпмейкера Уладзiмiра Максiмкава. Прадзюсар жа расказаў, што ў хуткiм часе рыхтуецца адмысловы «ўсходнi праект», куды трапяць кампазiцыi Гюнеш, Тарыела Майсурадзэ, маладых спевакоў Шыра i Менуа, магчыма, Iскуi Абалян... А для шчаслiвай дэбютанткi Гюнеш зараз больш важна нават не раскручваць альбом, а даведацца, цi трапiла яна ў фiнал конкурсу маладых выканаўцаў «Новая хваля-2006». Нагадаем, летась ад Беларусi ўдзел у гэтым прэстыжным конкурсе прымаў Аляксей Хлястоў, якi, праўда, у прызёры не трапiў; затое ўкраiнка Цiна Караль атрымала «iмянную стыпендыю» ад самой Алы Пугачовай — у памеры 50 тысяч долараў. Так што пазмагацца Гюнеш, калi яна знойдзе сваё iмя ў спiсе фiналiстаў, будзе за што...

БУДЗЕ ВАМ I ВIДЭА, БУДЗЕ I АЛЬБОМ...

Гурт «Новы Iерусалiм» у поўным складзе з’ехаў у Амерыку, дзе на чэрвень—лiпень запланаваны вялiкi гастрольны тур. Толькi лiдар калектыву Аляксандр Патлiс выправiўся ў падарожжа пазней за ўсiх, бо трэба было да канца аднавiць галасавыя звязкi, пашкоджаныя падчас нядаўнiх гастроляў па Расii.

За апошнiя некалькi гадоў у Штатах у гурта склалася вялiкае кола рускамоўных прыхiльнiкаў. Спецыяльна для iх «iерусалiмцы» вязуць сюрпрыз — новы DVD з live-вiдэа, запiсаным на расiйскiх гастролях. У сваю чаргу, у Амерыцы гурт здыме вiдэаматэрыял для свайго новага клiпа i «абкатае» кампазiцыi з будучага альбома. А сам альбом, як абяцаюць музыканты, з’явiцца ў Беларусi восенню.

«МОРС» — ГАЛОЎНАЯ СТРАВА НА БАЛI

Гурт «J_MOPC» не здае сваiх лiдарскiх пазiцый, што ў чарговы раз пацвердзiў вялiкi сольны канцэрт у КЗ «Мiнск». Гучалi старыя i новыя хiты, сярод якiх «Басанож па маставой», напiсаны пад уражаннем аднайменнага знакамiтага фiльма Цiля Швайгера, i «Не памiрай», прысвечаны былому сябру гурту Аляксандру Шлыку (загiнуў падчас тэрактаў у Егiпце).

Аднак безумоўнай «фiшкай» выступлення стаў фiнал акцыi «Прынцэса-2006» па выбару каралевы сёлетнiх выпускных баляў. Тры фiналiсткi, мiнчанкi Вiка Казючыц, Жэня Кляцко i Аня Фiлiпенка, кожная з якiх атрымала па 10 запрашэнняў на канцэрт, павiнны былi выйсцi на сцэну i спяваць жыўцом разам з Уладзiмiрам Пугачам. Пераможца ацэньвалася па «шумавому эфекту» ў зале. Выклiкаць найгучнейшы такi эфект (да слова, i самi дзяўчаты спявалi не цiха) удалося Яўгенii Кляцко з СШ № 203. Ёй i дастаўся тытул «Прынцэса-2006». Яўгенii апладысменты, гурту дзякуй за крэатыў. Але я дагэтуль не разумею толькi аднаго: як дзяўчатам можа падабацца песня, дзе прынцэсу называюць «вiславухай»?

А КУЛI ЛЯЦЯЦЬ, КУЛI...

Мiнскi гурт «Клёндайк» быў запрошаны на юбiлей аднаго з пейнтбольных клубаў сталiцы. Выканаўшы для разагрэву iгракоў тэматычную песеньку «Кулi», музыканты так разахвоцiлiся, што i самi далучылiся да гульнi. Мiшэнню абралi... белую кашулю салiсткi Кацi Пытлевай. Так што зараз у Кацi вясёленькая, у плямах, каляровая кашуля.

«Разынкай» вечара, аднак, стала не iмправiзаваная расфарбоўка, а пейнтбольна-музычнае спаборнiцтва памiж адным з iгракоў у пейнтбол i барабаншчыкам гурту Лёшам Волкавым. Iгрок страляў халастымi зарадамi, а Лёша бiў у барабаны — на хуткасць. Пошчак аказаўся хутчэйшым за стралянiну. Арганiзатары турнiру былi так уражаны гэтымi паказчыкамi, што прапанавалi музыкантам у наступны раз паспрабаваць сябе i ў сапраўднай гульнi.

«ПРОСВЕТ» У КАНЦЫ ТУНЭЛЯ

Артысты Нацыянальнага канцэртнага аркестра Беларусi пад кiраўнiцтвам Мiхаiла Фiнберга, удзельнiкi дуэта «Аляксандра i Канстанцiн» сталi ўладальнiкамi 2-й прэмii конкурсу выканаўцаў на 15-м Мiжнародным фестывалi поп-музыкi Discovery-2006, якi прайшоў у Балгарыi. Усяго ў конкурсе ўдзельнiчалi прадстаўнiкi 15 краiн — Iспанii, Iталii, Мальты, Расii, Турцыi, Малдовы, Польшчы, Кiпра, Македонii, Румынii, Сербii i Чарнагорыi, Казахстана, Узбекiстана, Балгарыi i Беларусi.

Беларускi дуэт прадставiў дзве песнi са свайго новага альбома «Аўтаномная навiгацыя» — беларускамоўную «Святы вячор» i англамоўную «Stairs of Sepаration». Мiжнароднае журы i публiка адзначылi як арыгiнальныя аранжыроўкi, так i выканаўчае майстэрства. У вынiку ў дадатак да 2-й прэмii Аляксандра Кiрсанава была прызнана самай прыгожай спявачкай фестывалю i атрымала спецпрыз — калье ручной работы балгарскай майстрыцы Эвелiны Пенявай. У блiжэйшы час «Аляксандра i Канстанцiн» плануюць прадставiць свой альбом на Кiпры i Мальце, а таксама ўзяць удзел у даўно абяцаных здымках праграмы Дзмiтрыя Дзiброва «Просвет» на канале «Расiя».

Вядучая рубрыкi Вiкторыя ЦЕЛЯШУК.