Iнстытут прызнаны iнтэлектуалам

Источник материала:

Ведай нашых!

У сувязi з гэтым мы папрасiлi дырэктара iнстытута, члена-карэспандэнта НАН Беларусi Мiкалая Мышкiна расказаць, за якiя заслугi атрымана такая ўзнагарода. I вось што ён паведамiў. Высокая вынаходнiцкая актыўнасць характэрная для iнстытута з моманту яго стварэння ў Гомелi ў 1959 годзе, i ўжо ў 1975 годзе калектыў прыняў рашэнне працаваць пад дэвiзам «Кожную навуковую распрацоўку — на ўзровень вынаходнiцтва, кожны навуковы супрацоўнiк — вынаходца». Гэту iнiцыятыву адобрылi абласны, рэспублiканскi i цэнтральны саветы Усесаюзнага таварыства вынаходцаў i рацыяналiзатараў, i яна атрымала падтрымку ў дзесятках арганiзацый i ўстаноў Савецкага Саюза. Усе навуковыя тэмы калектыў штогод выконваў на ўзроўнi вынаходак i неаднаразова ўзнагароджваўся за вялiкi ўклад у выкананне абавязацельстваў па стварэнню фонду эканомii матэрыялаў, рэсурсаў i г.д. у вынiку ўкаранення ў вытворчасць вынаходак i рацыяналiзатарскiх прапаноў. А першую лiцэнзiю за мяжу калектыў прадаў у 1990 годзе.

Вынаходнiцкая актыўнасць iнстытута пастаянна расце. Сёння яго распрацоўкi абаронены больш як дзвюма тысячамi аўтарскiх пасведчанняў СССР, а з 1992 года — трымастамi патэнтамi Рэспублiкi Беларусь i Расiйскай Федэрацыi, узнагароджаны медалямi i дыпломамi мiжнародных выстаў.

Iнстытуту належыць адно з трох адкрыццяў у галiне трэння, зносу, змазкi, зарэгiстраваных за час iснавання СССР i СНД, ён прымае ўдзел у выкананнi праграмы Саюзнай дзяржавы «Космас-СГ», i за апошнiя дзесяць гадоў на яго распрацоўках арганiзавана каля трыццацi заводаў, цэхаў i ўчасткаў, дзе вырабляюцца палiмерныя матэрыялы, карпусныя i паганажныя вырабы, абсталяванне для вытворчасцi дэталяў машын пад цiскам, лiнii для здрабнення i перапрацоўкi валокнаў, гумы i адходаў пластмас i металаапрацоўкi i г.д. Запатэнтаваныя аб’екты прамысловай уласнасцi выкарыстоўваюцца на многiх буйных прадпрыемствах Расii i Беларусi i даюць вялiкi эканамiчны эфект.