Чарадзейныя вушныя кропкi

Источник материала:

Iнфарм-укол

Стамiлiся? Дрэнна сябе адчуваеце? Сядзьце пазручней, паспрабуйце расслабiцца. Масiруйце абодва вухi адначасова, папярэдне добра разагрэўшы рукi. Калi вы хочаце падбадзёрыць сябе, масiруйце кропкi па гадзiннiкавай стрэлцы, заспакоiцца, зняць стрэс — супраць.

Вочы злiпаюцца, а вам трэба яшчэ папрацаваць? На працягу трох хвiлiн масiруйце мочкi вушэй i казялкi. Вы ўвесь дзень правялi на нагах i да вечара яны сталi быццам чугунныя? Памасiруйце верхнi край вушэй. Шмат часу сядзiце за камп’ютарам i цяпер слязяцца вочы? Нацiскайце на працягу двух хвiлiн на цэнтр мочкi вуха. Раптоўна забалеў зуб, а таблетак не аказалася пад рукой? На верхнiм краi вуха знайдзiце кропку абязбольвання. Для гэтага «складзiце» вушную ракавiну па вертыкалi, як бы закрыўшы яе. На версе згiбу i будзе размешчана патрэбная кропка. Масiруйце яе на працягу трох хвiлiн.

Пяць жыццёва важных фактаў

Калi вы скарацiце свой штодзённы рацыён усяго на 100 ккал, напрыклад, замест дзвюх цукерак, спынiцеся на адной, то атлусценне вам не пагражае. Да такога меркавання нядаўна прыйшлi мадрыдскiя вучоныя.

Калi будзеце есцi два яблыкi ў дзень, то знiзiце рызыку iнсульту. Дыетолагi з Нiдэрландаў правялi унiкальнае даследаванне i даказалi, што яблыкi асаблiва карысныя прадстаўнiкам моцнага полу — яны змяншаюць рызыку ўзнiкнення раку прастаты, лёгкiх i печанi.

Калi хочацца добра бачыць, нельга забываць пра вiтамiны. Амерыканскiя медыкi з Вiсконскага унiверсiтэта вынайшлi, што вiтамiны Е i С знiжаюць рызыку развiцця катаракты. Так што пiце штодня свежаадцiснуты апельсiнавы сок цi прымайце аскарбiнку.

Калi няма часу нармальна паабедаць, з’ешце крыху мiндаля. Вучоныя ЗША ўстанавiлi, што 75 г мiндальных арэхаў — неабходная кожнаму норма, каб лiтаральна праз месяц узровень халестэрыну ў арганiзме значна знiзiўся.

Калi будзеце гатаваць на алiўкавым алеi, абаронiце сябе ад раку яечнiкаў, а таксама прыведзяце ў норму артэрыяльны цiск. Да такой высновы прыйшлi iтальянскiя дыетолагi за час шматгадовых даследаванняў на трох тысячах добраахвотнiкаў.