Хутчэй на пенсiю

Источник материала:

АНДРЭЕВА Г.А., г. Мiнск

Калi ў вас няма такiх падстаў для назначэння пенсii як, напрыклад, за выслугу гадоў, за работу з асобымi ўмовамi, за асобыя заслугi перад рэспублiкай i iнш., то пенсiя вам павiнна назначацца на агульных падставах, а гэта значыць пры дасягненнi ўзросту 55 гадоў.

Законам «Аб занятасцi насельнiцтва Рэспублiкi Беларусь» прадугледжваюцца выпадкi, у якiх пенсiя можа назначацца датэрмiнова.

Так, артыкулам 16 названага Закона прадугледжана, што асобам, вызваленым у сувязi з лiквiдацыяй прадпрыемства, замест выплаты дапамогi па беспрацоўю па iх жаданню пенсiя па ўзросту (у тым лiку на льготных умовах) назначаецца датэрмiнова, але не больш чым за два гады да ўстаноўленага заканадаўствам узросту.

Пунктам 6 артыкула 18 гэтага закона ўстаноўлена, што беспрацоўным, якiя маюць права на дапамогу па беспрацоўю на працягу 52 каляндарных тыдняў, замест гэтага па iх жаданню пенсiя па ўзросту (у тым лiку на льготных умовах) назначаецца датэрмiнова, але не больш чым за адзiн год да ўстаноўленага заканадаўствам узросту. Права на атрыманне дапамогi па беспрацоўю на працягу 52 каляндарных тыдняў, зыходзячы з артыкула 18 закона, маюць асобы, стаж работы якiх складае 33 гады для жанчын i 38 гадоў для мужчын. Аднак, калi вы звольнiцеся, напрыклад, па ўласнаму жаданню, то не атрымаеце права на датэрмiновае назначэнне пенсii, нягледзячы на наяўнасць патрэбнага стажу, па той прычыне, што звальненне на гэтай падставе не дае права на атрыманне дапамогi па беспрацоўю.

Больш падрабязна аб датэрмiновым назначэннi пенсii вы можаце даведацца ў органе па працы i сацыяльнай абароне насельнiцтва або ў службе занятасцi па месцы свайго пражывання.