Парламентарыi дзвюх краiн пратэстуюць супраць планаў па будаўнiцтву сховiшча ядзерных адходаў

Источник материала:

Зварот да мiжнародных арганiзацый

На мiнулым тыднi дэпутаты Парламенцкага Сходу Беларусi i Расii на пасяджэннi ў Наваполацку прынялi зварот у сувязi з планамi Лiтвы пабудаваць ля гранiцы з нашай краiнай сховiшча для адпрацаванага ядзернага палiва з Iгналiнскай АЭС.

Зварот, у якiм парламентарыi выказваюць сур’ёзную занепакоенасць планамi лiтоўскiх уладаў, адрасаваны Мiжпарламенцкаму саюзу, Парламенцкай асамблеi АБСЕ, Мiжпарламенцкай асамблеi СНД, Мiжнароднаму агенцтву па атамнай энергетыцы. «Каля гранiцы Беларусi прадугледжваецца складзiраванне радыеактыўных адходаў з перыядам паўраспаду ад 20 да 24 000 гадоў. Аднак рэсурс модуляў для захоўвання складае не больш за 50 гадоў», — гаворыцца ў звароце.

Парламентарыi дзвюх краiн выказваюць занепакоенасць узроўнем праектнай прапрацоўкi аб’ектаў, якiя плануецца пабудаваць на тэрыторыi Лiтвы, адсутнасцю ўсебаковай ацэнкi iх магчымага ўздзеяння на навакольнае асяроддзе. Пры гэтым у заяве адзначаецца, што рэалiзацыя планаў па будаўнiцтву сховiшча мае патэнцыйную небяспеку не толькi для Беларусi, але i для прылеглых тэрыторый Лiтвы, Латвii i Расii.

У заяве нагадваецца аб тым, што на тэрыторыю Беларусi выпала каля 70 працэнтаў радыеактыўных рэчываў, якiя былi выкiнуты ў паветра ў вынiку выбуху на Чарнобыльскай АЭС дваццаць гадоў таму. Улiчваючы гэта для нашай краiны «вельмi каштоўнымi з’яўляюцца чыстыя ад радыеактыўнага забруджвання тэрыторыi рэспублiкi, якiя выкарыстоўваюцца ў першую чаргу для аздараўлення пацярпелага насельнiцтва i вытворчасцi чыстай сельскагаспадарчай прадукцыi». Адным з такiх чыстых рэгiёнаў, як адзначаецца ў заяве, з’яўляецца Нацыянальны парк «Браслаўскiя азёры», якi знаходзiцца ў непасрэднай блiзкасцi ад месца, дзе плануецца пабудаваць сховiшча ядзерных адходаў.

Дэпутаты Парламенцкага Сходу Беларусi i Расii заклiкаюць мiжнародныя арганiзацыi прыняць удзел у абмеркаваннi праблемнай сiтуацыi, якая склалася, i прыкласцi намаганнi, каб пераканаць кiраўнiцтва Лiтвы не ажыццяўляць будаўнiцтва сховiшча паблiзу беларускай тэрыторыi.

У Лiтве будзе новая АЭС?

У Лiтве плануюць пабудаваць новую АЭС. Адпаведнае рашэнне было прынята ў лютым сёлета на сустрэчы прэм’ер-мiнiстраў Лiтвы, Латвii i Эстонii. Пабудаваць электрастанцыю мяркуюць да 2015 года.

Новая АЭС павiнна стаць заменай Iгналiнскай атамнай электрастанцыi, якая павiнна цалкам спынiць сваю работу ў 2009 годзе. Спыненне работы станцыi было адной з умоў уступлення Лiтвы ў Еўрасаюз (бо Iгналiнская АЭС мае рэактар «чарнобыльскага тыпу», якi, згодна з вывадамi мiжнародных экспертаў, не з’яўляецца надзейным).

Як паведамляе лiтоўская прэса, згодна з вынiкамi сацыялагiчнага апытання, якое праводзiлася ў лютым сёлета кампанiяй Baltijos Tyrimai, iдэю будаўнiцтва новай станцыi ў Лiтве на момант правядзення апытання падтрымлiвалi 43 працэнты жыхароў гэтай краiны. Негатыўна да гэтых планаў ставiлiся 42 працэнты лiтоўцаў. 15 працэнтаў рэспандэнтаў не мелi дакладнага меркавання па дадзенаму пытанню.