Главная
Гороскопы
«Сноў» адзначыў 55 гадоў
Леанiд ЛАХМАНЕНКА
Аб тым, што ў сельскай гаспадарцы вельмi многае залежыць ад надвор’я не толькi ў вытворчасцi, працаўнiкi СВК «Агракамбiнат «Сноў» i iх шматлiкiя госцi яшчэ раз пераканалiся ў мiнулую суботу, на якую былi намечаны святочныя мерапрыемствы з нагоды 55-годдзя гаспадаркi. Юбiлей меркавалася адзначыць шырока i ўрачыста на мясцовым стадыёне. Але прырода ўнесла сур’ёзныя карэктывы ў планы. Давялося ўрачыстасцi пераносiць у Сноўскi Дом культуры.
Моцны дождж i шквалiсты вецер не сапсавалi свята, да якога калектыў агракамбiната прыйшоў з выдатнымi здабыткамi. На некаторых з iх засяродзiў увагу старшыня праўлення СВК «Агракамбiнат «Сноў» М. Радаман. У сваiм прывiтальным слове старшыня Мiнскага аблвыканкама М. Дамашкевiч разам са словамi вiншавання падкрэслiў, што «Сноў» — гэта вядучая гаспадарка краiны, дзе, з аднаго боку, пануе высокая культура земляробства i жывёлагадоўлi, iснуе развiтая iнфраструктура, вырабляецца якасная прадукцыя, а з другога, ёсць усе ўмовы для стваральнай працы i духоўнага i фiзiчнага развiцця чалавека. Сноўскi юбiлей сабраў у суботу разам калег-аграрнiкаў не толькi Нясвiжскага раёна, але i партнёраў i сяброў з розных рэгiёнаў краiны. Старшыня прэзiдыума Нацыянальнай акадэмii навук М. Мяснiковiч нават пазайздросцiў вынiкам работы мясцовых селекцыянераў-жывёлаводаў. Паводле яго слоў, тут пакуль сталiчныя навукоўцы адстаюць ад «Снова». Дэпутат Палаты прадстаўнiкоў М. Худая ўручыла ганаровыя граматы Нацыянальнага сходу Беларусi групе ветэранаў гаспадаркi. На яе погляд, сёння лёс «Снова» ў надзейных руках. Трэцi кiраўнiк СВК «Агракамбiнат «Сноў» М. Радаман — дастойны прадаўжальнiк лепшых традыцый сваiх славутых папярэднiкаў Героя Сацыялiстычнай Працы Я. Аляксанкiна i Героя Беларусi М. Карчмiта. А таму мы яшчэ не раз пачуем пра добрыя справы снаўчан, выказала ўпэўненасць дэпутат.
Чтобы разместить новость на сайте или в блоге скопируйте код:
На вашем ресурсе это будет выглядеть так
Сноўскi юбiлей сабраў у суботу разам калег-аграрнiкаў не толькi Нясвiжскага раёна, але i партнёраў i сяброў з розных рэгiёнаў краiны |
|