Што ўсё ж адбылося на з’ездзе?

Источник материала:

Рэха падзеi

Па iнiцыятыве i настойлiвай просьбе супрацоўнiкаў пасольства ЗША ў Рэспублiцы Беларусь у Цэнтральным Камiтэце Камунiстычнай партыi Беларусi 19 лiпеня 2006 года адбылася сустрэча дыпламатаў пасольства ЗША i кiраўнiцтва КПБ. У сустрэчы ўдзельнiчалi: з амерыканскага боку — Дэрэк Хоган, кiраўнiк Палiтычнага i Эканамiчнага аддзела пасольства ЗША i Сцiвен Гiлен, другi сакратар пасольства; з беларускага боку — сакратар ЦК КПБ Георгiй Атаманаў.

Супрацоўнiкаў амерыканскага пасольства цiкавiў Уз’яднаўчы з’езд КПБ i ПКБ, якi адбыўся напярэдаднi. Дэрэк Хоган звярнуўся да сакратара ЦК КПБ: «Нас цiкавiць усё, што адбылося ў мiнулы выхадны. На мой погляд, гэта вялiкi крок у змяненнi палiтычнай сiтуацыi. Узнiкае такое ўражанне, што ваша партыя можа быць партыяй будучынi. Я хачу атрымаць каментарый».

Гутарка доўжылася больш за гадзiну. Цiкавасць амерыканскiх дыпламатаў была цалкам задаволена паўнацэннай iнфармацыяй аб сапраўдных матывах i прычынах iнiцыятывы правядзення Уз’яднаўчага з’езда, яго падрыхтоўкi i правядзення, складу дэлегатаў i прынятых рашэнняў.

Амерыканскiх суразмоўцаў хвалявала перспектыва i лёс Партыi камунiстаў Беларускай i яе кiраўнiка С. Калякiна пасля нядаўняга Уз’яднаўчага з’езда КПБ i ПКБ, парадак аднаўлення былых членаў ПКБ у партыйных арганiзацыях Камунiстычнай партыi Беларусi. Спадар Дэрэк Хоган занепакоены, што «партыя Калякiна можа спынiць сваю дзейнасць». Ён пацiкавiўся: «Ёсць высокая верагоднасць, што ў Калякiна не будзе партыi. Ваш з’езд выглядае як прыгожая i вельмi арыгiнальная спроба знiшчыць апазiцыйную партыю. Навошта спатрэбiўся такi складаны варыянт, дзяржава магла б проста зняць з рэгiстрацыi гэту партыю?».

Сакратар ЦК КПБ Георгiй Атаманаў вельмi падрабязна патлумачыў суразмоўцам: «Партыя, у якой кiраўнiцтва адарвалася ад радавых камунiстаў, не валодае сiтуацыяй у нiзавых партарганiзацыях i не здольная ўплываць на працэсы, што адбываюцца, напэўна, ужо не палiтычная партыя. Арганiзацыя, у якой невялiкай групай людзей завочна i оптам выключаюцца нязгодныя з дзейнасцю кiраўнiцтва, маналiтнай быць не можа: яна абавязкова распадаецца. Таму дзяржава або яе органы да прайшоўшага з’езда нiякiх адносiнаў мець не магла i не мае. Гэта воля толькi самiх камунiстаў». Сакратар ЦК КПБ пацвердзiў гатоўнасць партыi i яе абавязковы ўдзел у маючых адбыцца выбарах дэпутатаў мясцовых Саветаў дэпутатаў.

Суразмоўцы дамовiлiся аб прадаўжэннi кантактаў, умацаваннi ўзаемаразумення i дружбы памiж народамi Беларусi i ЗША.