Главная
Гороскопы
Сацыяльнай абароне ветэранаў — асаблiвая ўвага
Марыя ГУЦАЛА, БЕЛТА
Пытанням сацыяльнай абароны ветэранаў Вялiкай Айчыннай вайны ўдзяляецца асаблiвая ўвага на дзяржаўным узроўнi. Аб гэтым учора на сустрэчы з дэлегацыяй ветэранаў вайны i працы Гомельскай вобласцi заявiў старшыня Палаты прадстаўнiкоў Нацыянальнага сходу Беларусi Уладзiмiр КАНАПЛЁЎ.
Аб гераiзме абаронцаў нашай радзiмы сведчыць больш як 8 тыс. мемарыялаў i помнiкаў славы, размешчаных у Беларусi. Большая частка з iх была рэканструявана да 60-годдзя вызвалення Беларусi ад нямецка-фашысцкiх захопнiкаў. Уладзiмiр Канаплёў нагадаў, што да гэтага вялiкага свята iнвалiдам i ўдзельнiкам вайны была аказана матэрыяльная падтрымка на суму больш як Br14,8 млрд. Указам прэзiдэнта была ўстаноўлена iстотная надбаўка да пенсii. «Iнвалiдам i ўдзельнiкам вайны захаваны ўсе назначаныя льготы. На прадастаўленне гэтых iльгот штогод з бюджэту расходуецца каля Br82 млрд», — адзначыў ён. Паводле слоў спiкера нiжняй палаты Нацыянальнага сходу, у Беларусi сацыяльная сiстэма працуе па выяўляльнаму прынцыпу. Цяпер даследаваны ўмовы жыцця, стан здароўя i патрэбнасцi ўсiх ветэранаў. Штогод на стацыянарным лячэннi праходзяць курс рэабiлiтацыi каля 30 тыс. iнвалiдаў i ўдзельнiкаў вайны. Сацыяльным абслугоўваннем дома ахоплены 4,5 тыс. ветэранаў. Усе iнвалiды з лiку ўдзельнiкаў Вялікай Айчыннай вайны забяспечаны iнвалiднымi каляскамi i пратэзамi. Практычна поўнасцю вырашаны пытаннi прадастаўлення жылля ветэранам, праведзена тэлефанiзацыя iх кватэр, падкрэслiў Уладзiмiр Канаплёў.
Чтобы разместить новость на сайте или в блоге скопируйте код:
На вашем ресурсе это будет выглядеть так
Пытанням сацыяльнай абароны ветэранаў Вялiкай Айчыннай вайны ўдзяляецца асаблiвая ўвага на дзяржаўным узроўнi. Аб гэтым учора на сустрэчы з дэлегацыяй |
|