Главная
Гороскопы
Па аб’ектыўных прычынах
Аляксандр ПУКШАНСКI
ВЫСВЯТЛЯЕМ ПЫТАННЕ У вiцебскi карпункт нашай газеты звярнулася маладая чытачка з Ушацкага раёна, якая была абураная тым, што ў вёсцы Градзянец закрываецца дзiцячы садок. «Навошта так рабiць?! — вельмi эмацыянальна пыталася яна. — Калi за садок адказвалi ў сельскiм Савеце, ён быў адным з самых лепшых, а як перадалi ў раённую сiстэму адукацыi, дык вырашылi яго закрыць?! А нас — бацькоў — пры гэтым чыноўнiкi прасiлi не скардзiцца нiкуды i нiкому. Маўляў, усё роўна нiчога вы не зменiце!»Журналiст папрасiў кiраўнiкоў упраўлення адукацыi Вiцебскага аблвыканкама разабрацца ў сiтуацыi. Прыемна, што ў адрозненне ад афiцыйных прадстаўнiкоў некаторых адмiнiстрацый, iнстанцый, адказныя асобы з гэтага ўпраўлення не запатрабавалi нiякiх пiсьмовых запытаў на рэдакцыйных бланках i г.д. Проста прынялi журналiсцкi лiст i паабяцалi вельмi ўважлiва разабрацца ў праблеме. У вынiку ва ўпраўленнi адукацыi Вiцебскага аблвыканкама было паўторна разгледжана пытанне аб закрыццi Градзянецкага дзiцячага садка № 25. Ушацкi раённы цэнтр гiгiены i эпiдэмiялогii i Дзяржаўны пажарны нагляд высветлiлi, наколькi стан памяшканняў дзiцячага садка № 25 адпавядае санiтарным нормам i патрабаванням пажарнага нагляду. Устаноўлена, што ў будынку адсутнiчае гарачая вада, у многiх пакоях падлога прагнiла. У памяшканнях харчблоку i прыбiральнях адсутнiчае плiтка. Словам, неабходны капiтальны рамонт. Электраправодка ў памяшканнях дзiцячага садка — са старой, непрыгоднай iзаляцыяй. У кацельнi печ эксплуатавалася са шматлiкiмi трэшчынамi. У вынiку i было прынятае рашэнне аб забароне эксплуатацыi дзiцячай дашкольнай установы № 25 вёскi Градзянец Ушацкага сельскага Савета. Кiраўнiкi абласнога ўпраўлення адукацыi лiчаць, што закрыццё садка — аб’ектыўнае рашэнне. Як паведамiў першы намеснiк начальнiка ўпраўлення адукацыi Леанiд Сцяпанаў, цяпер 13 дзяцей з гэтага садка наведваюць дашкольныя ўстановы гарадскога пасёлка Ушачы, месцы ў якiх былi прадстаўлены па жаданню i выбару бацькоў. Чытачка таксама скардзiлася, што некаторых хлопчыкаў i дзяўчынак планавалi перавесцi ў Арэхаўскi дзiцячы садок. Але гэты факт не пацвердзiўся.
Чтобы разместить новость на сайте или в блоге скопируйте код:
На вашем ресурсе это будет выглядеть так
У вiцебскi карпункт нашай газеты звярнулася маладая чытачка з Ушацкага раёна, якая была абураная тым, што ў вёсцы Градзянец закрываецца дзiцячы садок |
|