«Нiчога, акрамя штангi, не бачыў»

Источник материала:

Ведай нашых!

Карэспандэнту «Звязды» ўдалося дазванiцца да нашага чэмпiёна ў Дамiнiканскую Рэспублiку.

— Андрэй, вiншую з перамогай. Цi верылi напярэдаднi, што заваюеце «золата»?

— Дзякуй! Я, шчыра кажучы, думаў толькi, што буду ў тройцы, а атрымалася — не толькi ў прызёрах аказаўся, а стаў першым. Улiчваючы рознiцу ў часе ў 7 гадзiн, было не так лёгка перамагчы, ды i клiмат тут вельмi вiльготны.

— У Дамiнiканскай Рэспублiцы спадабалася?

— Я не паспеў агледзецца, бо канцэнтраваўся на чэмпiянаце. Нiякiх краявiдаў нават не заўважаў. Толькi штангу.

— Як будзеце адзначаць свой поспех?

— Пакуль iду загараць, а галоўнае пасля напружаных спаборнiцтваў — добра адпачыць.

— Дзякуй за гутарку!

Прэзiдэнт Беларусi накiраваў вiншавальную тэлеграму члену нацыянальнай каманды Беларусi па цяжкай атлетыцы Андрэю Рыбакову, якi заваяваў тытул чэмпiёна свету.

«Твае паспяховыя выступленнi ў гэтым годзе прадаўжаюць слаўныя традыцыi беларускай цяжкай атлетыкi. Самааддача, нацэленасць на вынiк i воля да перамогi — вось што вызначае сапраўднага спартсмена», — гаворыцца ў тэлеграме.