Главная
Гороскопы
Сярод памiлаваных Прэзiдэнтам абсалютная большасць — жанчыны
Сяргей ПРОТАС
У 2006 годзе Прэзiдэнт Беларусi Аляксандр Лукашэнка памiлаваў каля 150 асуджаных. Сярод iх 122 жанчыны, большасць з якiх маюць непаўналетнiх дзяцей. Такая накiраванасць дзяржаўных рашэнняў у пэўнай меры тлумачыцца асаблiвым значэннем для краiны 2006 года, як Года Мацi, але ў цэлым абумоўлена тым, што Прэзiдэнт пастаянна надае асобую ўвагу жанчыне-мацi, умацаванню асноў мацярынства i дзяцiнства ў нашай краiне. Пра гэта паведамiлi «Звяздзе» ў прэс-службе беларускага лiдара.
Як вядома, выключнае паўнамоцтва кiраўнiка нашай дзяржавы ажыццяўляць памiлаванне замацавана Канстытуцыяй Рэспублiкi Беларусь. Выкарыстанне памiлавання засноўваецца на строга iндывiдуальным падыходзе. Улiчваюцца ўсе абставiны, асоба асуджанага, цяжкасць i наступствы злачынства, гатоўнасць чалавека да законапаслухмянага ладу жыцця, меркаваннi адмiнiстрацыi выпраўленчай установы i грамадскасцi... Як падкрэслiлi ў прэс-службе Прэзiдэнта, у аснове калектыўна выпрацаванага меркавання Камiсii па пытаннях памiлавання пры Прэзiдэнце Рэспублiкi Беларусь i прымаемых кiраўнiком дзяржавы рашэнняў, ляжыць нераўнадушнае стаўленне да лёсу кожнага асобнага чалавека, якi адбывае крымiнальнае пакаранне. У той жа час памiлаванне — гэта не ўсёдараванне i не бяспамяцтва ў адносiнах да здзейсненага. Актыўныя дзяржаўныя меры па памiлаванню асуджаных, якiя рэалiзуюцца ў Беларусi, сведчаць пра тое, што забяспечваючы належны правапарадак у грамадстве, дзяржава на справе паслядоўна ажыццяўляе прынцып гуманiзму ў вобласцi крымiнальна-прававой палiтыкi. Грамадзяне, якiя раскаялiся ў здзейсненых злачынствах i iмкнуцца стаць паўнацэннымi членамi грамадства, у праве разлiчваць на давер i падтрымку дзяржавы.
Чтобы разместить новость на сайте или в блоге скопируйте код:
На вашем ресурсе это будет выглядеть так
У 2006 годзе Прэзiдэнт Беларусi Аляксандр Лукашэнка памiлаваў каля 150 асуджаных. Сярод iх 122 жанчыны, большасць з якiх маюць непаўналетнiх дзяцей
|
|