Прэзiдэнт даручыў распрацаваць меры па дасягненню ў 2006 годзе дадатнага сальда знешняга гандлю

Источник материала:

Як адзначыў Пётр Пракаповiч, дадатнае сальда знешняга гандлю з’яўляецца адным з фактараў, якi садзейнiчае нарошчванню золатавалютных рэзерваў краiны. Разам з тым ён падкрэслiў, што да канца гэтага года прагнозны паказчык па нарошчванню золатавалютных рэзерваў будзе выкананы незалежна ад стану гандлёвага сальда.

Кiраўнiк дзяржавы даручыў ураду i Нацбанку распрацаваць шэраг мераў па прыцягненню замежных iнвестыцый, у першую чаргу прамых. У сувязi з гэтым прэзiдэнт адобрыў прапанаваныя на нарадзе падыходы па стымуляванню развiцця экспартаарыентаваных вытворчасцяў у малых гарадах. Паводле слоў Пятра Пракаповiча, кiраўнiк дзяржавы паставiў задачу ў блiжэйшы час унесцi прапановы па стымуляванню прыцягнення iнвестыцый у сельскагаспадарчыя прадпрыемствы на ўсёй тэрыторыi Беларусi i на гэтым прыкладзе адпрацаваць варыянты прыцягнення iнвестыцый у iншыя галiны народнай гаспадаркi.

«У цэлым сiтуацыя ў Беларусi са станам золатавалютных рэзерваў i з курсам беларускага рубля стабiльная. Яна будзе такая ж да канца гэтага года i ў наступныя гады», — падкрэслiў кiраўнiк Нацыянальнага банка. Сёння аб’ём золатавалютных рэзерваў складае больш як $1,5 млрд.

Прэзiдэнт запатрабаваў не спыняцца на дасягнутым i прыкласцi ўсе намаганнi, каб забяспечыць выкананне запланаванага прагнознага паказчыка — да 2010 года аб’ём золатавалютных рэзерваў Беларусi павiнен скласцi не менш як $3 млрд.

Паводле паведамленняў прэс-службы Прэзiдэнта Рэспублiкi Беларусь i БЕЛТА.