Хроніка апошніх падзей

Источник материала:

Амерыканскi фонд The Gay & Lesbian Victory Fund, якi падтрымлiвае на выбарах усiх узроўняў кандыдатаў, што адкрыта заявiлi аб сваёй нетрадыцыйнай сэксуальнай арыентацыi, паведамiў пра тое, што на выбарах у ЗША атрымала перамогу беспрэцэдэнтная колькасць кандыдатаў, падтрыманых фондам.

З iх 67 кандыдатаў былi абраны на пасады федэральнага i мясцовага ўзроўняў. Так, напрыклад, у штатах Алабама, Арканзас, Iндыяна кандыдаты, якiя адкрыта заявiлi пра сваю нетрадыцыйную арыентацыю, упершыню ў гiсторыi былi абраны на выбарныя пасады. Першыя кандыдаты-геi з’явiлiся таксама ў сенатах штатаў Мiсуры i Вашынгтон.

У цэлым месцы ў Кангрэсе, а таксама крэслы губернатараў атрымалi звыш 200 кандыдатаў, якiя падтрымлiваюць правы геяў, у той час, як многiя працiўнiкi гэтых правоў пацярпелi паражэнне. Так, першай жанчынай-спiкерам у Палаце прадстаўнiкоў стала Нэнсi Пелосi, вядомая сваiмi лiберальнымi поглядамi, у тым лiку i на пытаннi сэксуальных меншасцяў.

ЛАТВIЯ ЗНАЙШЛА РАСIЙСКIЯ ШПРОТЫ НЕБЯСПЕЧНЫМI ДЛЯ ЗДАРОЎЯ

Вынiкi даследавання ўзораў шпрот двух вядучых расiйскiх вытворцаў, праведзенага ў лабараторыi Харчова-ветэрынарнай службы Латвii, паказалi значнае перавышэнне прынятых у Расii дапушчальных нормаў утрымання бензпiрэну. Цяпер чакаюцца вынiкi аналагiчнага аналiзу нямецкай незалежнай лабараторыi.

Нагадаем, адразу пасля ўвядзення забароны на экспарт у Расiю латвiйскiх шпрот старшыня праўлення прадпрыемства Brivais vilnis Арнольд Бабрыс набыў у маскоўскай краме ўзоры кансерваў «Шпроты в масле» расiйскiх вытворцаў. Бляшанкi былi адначасова накiраваны ў латвiйскую i нямецкую лабараторыi.

Заключэнне латвiйскiх спецыялiстаў было прагназуемым, улiчваючы аднолькавую тэхналогiю вытворчасцi латвiйскiх i расiйскiх шпрот. Прычым перавышэнне ўзроўню бензпiрэну ў расiйскай прадукцыi аказалася нават больш значным, чым у забароненай латвiйскай.

Раней паведамлялася пра тое, што Рассельгаснагляд з 20 кастрычнiка ўвёў часовую забарону на пастаўку ў Расiю рыбных кансерваў з шэрагу латвiйскiх прадпрыемстваў.