Няхай бiбiкi б’е хто-небудзь iншы

Источник материала:

— Падобныя фестывалi мы арганiзоўваем у перыяды восеньскiх i вясновых канiкулаў ужо на працягу чатырох гадоў. Адлiк вядзецца ад першай лiдарскай змены БРСМ, якая традыцыйна праходзiць на базе аздараўленчага лагера «Лясная паляна», — расказвае арганiзатар фестывалю i метадыст па працы са школьнiкамi старэйшых класаў Ганна Пiменава. — На мiнулых сустрэчах закраналi тэмы прафарыентацыi, аховы правоў дзiцяцi. У гэты ж раз «чырвонай нiткай» праз фестываль прайшла тэма талерантнасцi. Мы прадэманстравалi лiдарам трэнiнг, якi яны павiнны будуць 16 лiстапада правесцi ў сваiх школах.

— Як на фестывалi, так i ў клубе я ўпершыню, — гаворыць вучанiца 11-га класа СШ № 34 Вiцебска Света Калясiна. — Запрасiлi сюды абараняць гонар школы. Думала, што гэта проста абавязалаўка, што будзе сумна. Але, трапiўшы ў кругаварот гульняў, усмешак, пазнавальнай iнфармацыi, змянiла сваё меркаванне. Спадабалася, што трэнiнгi праводзiлi такiя ж маладыя людзi, як i мы. Яны, члены клуба, студэнты i адзiнаццацiкласнiкi, такiя смелыя, iнiцыятыўныя, крэатыўныя, бесшабашныя нават крышку. Хочацца быць такой таксама. Шкада, што я не ведала пра гэты клуб i пра лiдарскую лагерную змену раней.

Пасля злёту лiдараў я прааналiзавала анкеты, якiя яны запаўнялi. Прачытайце, што пiшуць удзельнiкi — i вы пераканаецеся, што такiя фестывалi, сапраўды, дапамагаюць выхаванню будучага пакалення.

«Я зразумела, што тактычныя паводзiны ў грамадстве — адна з самых важных якасцяў чалавека».

«Ведала паняцце талерантнасць, але не думала, што гэта так важна для акаляючага нас свету, для мiру ва ўсiм свеце».

«Складаная фiласофская тэма была данесена на зразумелай мове. Усе смела задавалi пытаннi, бо адчувалi сябе на роўных з трэнерамi».

«Задумалася аб сваiх паводзiнах у грамадстве. Паслухаўшы меркаваннi iншых, змянiла свае адносiны да свету».

— Тое, што вы задумалiся, што такое талерантнасць — гэта ўжо прыступка да самаразвiцця, — падводзiць вынiкi ў сяброўскiм крузе Ганна Аляксееўна. — Няма iдэальных людзей. Я сама не заўсёды паводжу сябе ў адносiнах да iншых талерантна, але пастаянна працую над сабой. Раю i вам iмкнуцца стаць лепшымi.

Новы год не за гарамi. Такой думкi прытрымлiваюцца арганiзатары. Таму на фестывалi дзецi распрацавалi мiнi-сцэнарыi навогодняй ёлкi. Паводле слоў Ганны Пiменавай, на занятках у клубе гэтыя iдэi будуць уключаны ў агульны сцэнарый.

Прапалi як цень на вадзе восеньскiя канiкулы. На жаль, яны не такiя доўгiя i цёплыя, якiмi былi летнiя. Але, нягледзячы на тое, што за акном церушыў першы снег, дзьмуў вецер i шчыпаў за нос мароз, за тыдзень можна было паспець многае. Удзельнiкi фестывалю — яскравы доказ таго, што бiць бiбiкi, адпачываючы ад тэарэмы Пiфагора i Грунвальдскай бiтвы, i суткi напралёт сядзець утаропiўшы вочы ў блакiтны экран, не самы цiкавы занятак.