Мiкалай Чаргiнец: «Пазбаўленне гандлёвых прэферэнцый ударыць па iмiджу ЕС»

Источник материала:

Разгляд пытання аб пазбаўленнi Беларусi гандлёвых прэферэнцый узнiмаўся ЕС з 2003 года, яшчэ раней — у 2000 годзе — гэта пытанне ўзняла Мiжнародная арганiзацыя працы. Такiм чынам да цяперашняга часу працэдуры фактычна iшлi паралельна, прычым, паводле слоў М. Чаргiнца, у сваiх рашэннях ЕС прытрымлiваўся ў асноўным пазiцыi МАП. У самiм жа ЕС па пытанню пазбаўлення Беларусi гандлёвых прэферэнцый не было аднаго погляду.

М. Чаргiнец паведамiў, што Беларусь вядзе пастаянны дыялог з МАП па выкананню iх рэкамендыцый. Найбольш значныя меры ў гэтым накiрунку былi прыняты сёлета. У вынiку па многiх пытаннях патрабаваннi МАП былi цалкам выкананы, па iншых быў дасягнуты значны прагрэс. М. Чаргiнец заявiў, што гэтыя дзеяннi Беларусi былi станоўча ўспрыняты i самой Мiжнароднай арганiзацыяй працы, якая выказала зацiкаўленасць у далейшым супрацоўнiцтве.

На гэтым фоне рашэнне ЕС аб актывiзацыi абмеркавання намеру пазбаўлення Беларусi гандлёвых прэферэнцый, лiчыць М. Чаргiнец, выклiкае недаўменне. Калi ЕС не зменiць свае намеры, 11—12 снежня гэтага года адпаведны дакумент можа быць прыняты на ўзроўнi мiнiстраў ЕС. У такiм выпадку рашэнне аб пазбаўленнi Беларусi гандлёвых прэферэнцый пачне дзейнiчаць праз шэсць месяцаў. Такое развiццё падзей, адзначыў М. Чаргiнец, не прынясе карысцi нi аднаму з бакоў. Калi ж ЕС усё ж такi прыме рашэнне аб пазбаўленнi Беларусi гандлёвых прэферэнцый, лiчыць ён, нашай краiне, магчыма, давядзецца адкарэктаваць свае затраты па прадухiленню нелегальнай мiграцыi ў еўрапейскiя краiны. Гэтыя сродкi, адзначыў сенатар, можна было б накiроўваць на абарону насельнiцтва, якое можа пацярпець пры пазбаўленнi Беларусi гандлёвых прэферэнцый. Таксама ён лiчыць, што ўрон Беларусi ў выпадку прыняцця рашэння аб пазбаўленнi нашай краiны гандлёвых прэферэнцый будзе «значным», аднак нам удасца перабудавацца, бо ў нашых таварах зацiкаўлены i не краiны ЕС.