Палову месяца газ спажываўся па адных тарыфах, палову — па іншых

Источник материала:

«Гарачы» тэлефон «Звязды» 287-17-41

Як паведамiў нам начальнiк планавага аддзела «Мiнскаблгаза» Валерый Кашчаво, тарыф на прыродны газ, якi выкарыстоўваецца для ацяплення катэджаў, аднолькавы для ўсiх спажыўцоў i ў Мiнску, i ў сталiчнай вобласцi — 123,3 руб. за кубаметр (без улiку магчымай iльготы цi скiдкi). Чаму ў заяўнiкаў ён атрымлiваецца большым? Калi гаварыць увогуле, на сiтуацыю могуць паўплываць некалькi прычын. Напрыклад, калi газавы лiчыльнiк здымалi на нейкi час для правядзення паверкi, на гэты тэрмiн спажыванне газу рабiлi з разлiку 8 кубоў на адзiн квадратны метр жылля (а катэдж мае агульную плошчу каля 140 квадратных метраў). Зразумела, што ў такiм выпадку гаспадары заплацяць за газ крыху больш, чым абышлося б iм «блакiтнае палiва», расход якога фiксаваўся б лiчыльнiкам.

— Яшчэ адной прычынай, якая паўплывала на агульную суму, магло быць правядзенне тэхнiчнага абслугоўвання газавага абсталявання. Паслуга гэта платная i кошт работ мог быць уключаны ў агульны рахунак уладальнiкам катэджа, — патлумачыў далей Валерый Антонавiч. — А яны механiчна падзялiлi выстаўленую суму на паказаннi лiчыльнiка. Зразумела, у гэтым выпадку ў iх нiбыта тарыф павялiчыўся, хоць насамрэч, як я ўжо патлумачыў, ён з’яўляецца аднолькавым для ўсiх.

Каб даць больш поўны адказ на запыт, мы звярнулiся ў службу ўлiку РУП «Смалявiчырайгаз». Як высветлiлася, сiтуацыя аказалася зусiм простай. «Iснуюць два вiды тарыфаў на прыродны газ для памянёнай катэгорыi спажыўцоў. Адзiн тарыф — 201,7 руб. за кубаметр — дзейнiчае па-за ацяпляльным сезонам; другi — 123,3 руб. за той жа кубаметр — падчас ацяпляльнага сезона. У Смалявiцкiм раёне сёлета ацяпляльны сезон стартаваў з 16 кастрычнiка. Адпаведна, грамадзяне аплачвалi 15 дзён спажывання «блакiтнага палiва» па адных тарыфах, 15 дзён — па другiх. А сярэднеарыфметычны вынiк i атрымаўся якраз у памеры 163 рублi за кубаметр. У iншых раёнах, калi пачатак ацяпляльнага сезона прыпадаў на iншую дату, сiтуацыя магла быць крыху iншай. А ўвогуле на працягу года разлiкi за спажыты газ па двух вiдах тарыфаў вядуцца двойчы: калi пераходзiм, умоўна кажучы, з восенi на зiму i з зiмы на лета, г.зн. у пачатку i канцы ацяпляльнага сезона».