Хроніка апошніх падзей

Источник материала:

Расiйскiя вучоныя з Iнстытута зямнога магнiтызму, iонасферы i распаўсюджвання радыёхваляў паведамiлi пра пачатак небяспечнай для людзей магнiтнай буры. У блiжэйшыя суткi чакаецца павышаная геамагнiтная актыўнасць i перыяды малой магнiтнай буры, а 9 снежня верагодна далейшае пагаршэнне геамагнiтнай абстаноўкi.

У аўторак была зафiксавана рэкордная ўспышка на Сонцы ў мiнiмуме яго актыўнасцi, чаго нiколi раней не назiралася. На думку вучоных, малыя магнiтныя буры аказваюць больш негатыўны ўплыў на арганiзм чалавека, чым моцныя, якiя наносяць урон электронiцы. Парушэнне сну i працаздольнасцi, а таксама раздражнёнасць i нервознасць могуць адчуць нават абсалютна здаровыя людзi, папярэджваюць медыкi. У такiя днi яны раяць усiм (асаблiва метыязалежным) выконваць рэжым дня, не перанапружвацца i выдзяляць больш часу на адпачынак.

ЯНУКОВIЧ ХОЧА АДРАДЗIЦЬ МАЛУЮ РАДЗIМУ Ў БЕЛАРУСI?

Прэм’ер-мiнiстр Украiны Вiктар Януковiч збiраецца адрадзiць сваё «радавое гняздо» — вёску Янукi, што ў Беларусi. Пра гэта напiсала «Украинская правда» са спасылкай на крынiцу ў акружэннi кiраўнiка ўкраiнскага ўрада.

Паводле слоў крынiцы, падчас нядаўняга вiзiту ў Беларусь, калi прэм’ер наведаў Янукi, яго не задаволiла, як выглядае радзiма продкаў, i ён загарэўся жаданнем даць вёсцы другое жыццё. Януковiч, у прыватнасцi, хоча пераўтварыць Янукi ў сучасны катэджны пасёлак на 300 жыхароў, пабудаваць мiнi-малаказавод (для чаго плануе закупiць племянных кароў у данецкай аграфiрмы «Шахцёр»), сховiшча для марожаных ягад i запрасiць у вёску на жыхарства ўсiх Януковiчаў з Беларусi i Украiны. Паводле падлiкаў экспертаў, рэалiзацыя такiх планаў украiнскага прэм’ера можа абысцiся ў 7 мiльёнаў долараў. Аднак, адкуль будуць узяты грошы, крынiца ў акружэннi кiраўнiка ўрада Украiны не паведамiла.

ВАЙНА Ў IРАКУ — ГАЛОЎНАЯ ПАМЫЛКА ЗША Ў ГIСТОРЫI

Iракская вайна з’яўляецца «самай сур’ёзнай стратэгiчнай памылкай у гiсторыi Злучаных Штатаў», а яе наступствы для краiны будуць нагадваць аб сабе даўжэй, чым наступствы Грамадзянскай вайны. З такой заявай у эфiры тэлеканала ABC выступiў былы вiцэ-прэзiдэнт ЗША Альберт Гор.