Апазiцыя цiсне на газ

Источник материала:

Погляд

Зарыпелi пер’i, i, быццам у крывым люстэрку, прынцыповая пазiцыя кiраўнiцтва Беларусi па адстойванню нацыянальных iнтарэсаў у газавых перамовах ператварылася ў... жаданне «загнаць» беларусаў у зямлянкi. Прыём выдаваць жаданае за рэчаiснасць даўно ў пашане ў мясцовых «дэмакратызатараў». Яно i зразумела, з зямлянак весцi людзей да «светлай будучынi» куды больш зручна. А вось не давесцi да тых самых зямлянак, захаваць дабрабыт беларусаў задача куды больш складаная i айчыннай апазiцыi не па зубах.

Дасталося «на арэхi» i «iмперскай Расii». Ну што тут сказаць — самi вiнаватыя. Недальнабачныя i недружалюбныя крокi ў адносiнах да блiжэйшага саюзнiка, натуральна, будуць выкарыстаны нядобразычлiўцамi Саюзнай дзяржавы ды i самой Расiйскай Федэрацыi. Калi апошняя ТАК паводзiць сябе з партнёрамi i саюзнiкамi, на што разлiчваць iншым? Беларуская апазiцыя ўжо не саромеючыся прадстаўляе рускiх як акупантаў. Пакуль эканамiчных. I прама называе суседнiя еўрапейскiя народы, якiя далi прытулак базам НАТО, «братнiмi». Што пасееш...

Далей — больш. У новым патрыятычным урадзе, патрабуюць апазiцыянеры, нават не павiнна быць людзей, якiя мелi справы з расiйскiмi iмперыялiстамi. I тут зноў улюбёная нотка з намёкам на сябе: патрэбны не прафесiяналы, а сапраўдныя патрыёты. Сумніўная альтэрнатыва...

Якое ж выйсце з сiтуацыi, якая склалася, бачыцца незапатрабаваным правадырам? А нiчога новага — усё тое ж летуценнае «Захад нам дапаможа!»

Ужо дапамагае. Эканамiчнымi санкцыямi i пазбаўленнем прэферэнцый у гандлi, што ў вынiку, зноў-такi б’е па дабрабыту беларускага народа.