Запасаў хапае

Источник материала:

Калi ж гаварыць аб вынiках года ў цэлым, то i яны не могуць не радаваць: праз прадпрыемства, як кажуць, прайшло каля 10,6 мiльёна тон нафты. А фiнiш года быў адзначаны выпускам яшчэ аднаго новага таварнага прадукту — бензолу, якi вызначаецца высокiмi якаснымi характарыстыкамi i знойдзе сваё прымяненне ў розных галiнах гаспадарання, i асаблiва ў хiмiчнай прамысловасцi.

— У першыя днi 2007 года, — расказвае Сяргей Паўлавiч, — мы працуем з амаль максiмальнай нагрузкай, перапрацоўваючы да трыццацi тысяч тон серавугляроднай сыравiны. Гэта дзякуючы таму, што загадзя, як i ў папярэднiя гады, былi створаны запасы «чорнага золата». Наш высокапрафесiйны калектыў, па традыцыi ўжо, паспяхова спраўляецца з года ў год з даведзенымi заданнямi i на сёлета таксама намецiў высокiя рубяжы, для чаго распрацаваны бiзнэс-план, згодна з якiм трэба выканаць шмат арганiзацыйна-тэхнiчных, тэхналагiчных i iншых мерапрыемстваў. На сёння нiякiх зрываў на прадпрыемстве не назiраецца. Аднак умовы расiйскiх пастаўшчыкоў нафты ставяць калектыў ААТ у нялёгкае, а дакладней, у складанае становiшча.

Пабывалi мы i на адной з аўтазаправак Гомеля. Усё там iшло, як i раней: чэргаў нiякiх не было, палiва адпускалася без абмежаванняў. Пракаментаваць сiтуацыю мы папрасiлi намеснiка генеральнага дырэктара РУП «Беларуснафта»—«Гомельнафтапрадукт» Аляксандра Кеўлiча, i ён паведамiў, што гэтак жа ў вобласцi працуюць i 66 аўтазаправак прадпрыемства i ўсе камерцыйныя. Рэалiзоўваюцца ўсе вiды палiва. Рэжым работы — нармальны. Цэны не павышалiся i знаходзяцца на ранейшым узроўнi. У выхадныя i святочныя днi арганiзаваны падвоз палiва i работа дыспетчарскай службы.