Прыняты Правiлы будаўнiцтва i эксплуатацыi аўтастаянак, парковак i карыстання iмi

Источник материала:

Ва ўрадзе

Новыя правiлы распрацаваны ў адпаведнасцi з указам Прэзiдэнта ад 3 кастрычнiка 2006 года № 589 «Аб упарадкаваннi работы аўтамабiльных стаянак i аўтамабiльных парковак», а таксама Правiламi дарожнага руху, зацверджанымi ўказам Прэзiдэнта ад 28 лiстапада 2005 года № 551.

Дакументам вызначаны парадак прадастаўлення месцаў на аўтамабiльных стаянках уладальнiкам транспартных сродкаў. Устаноўлены патрабаваннi да захоўвання машын на стаянках, допуск уладальнiкаў аўтатранспарту на аўтапаркоўкi. Вызначаны правы i абавязкi як юрыдычных асоб i iндывiдуальных прадпрымальнiкаў, якiя з’яўляюцца ўласнiкамi стаянак i парковак, так i ўладальнiкаў транспартных сродкаў.

Юрыдычныя асобы, якiя маюць у карыстаннi або па дагавору арэнды зямельныя ўчасткi, прадастаўленыя для будаўнiцтва i эксплуатацыi рынкаў, гандлёвых цэнтраў, маюць права арганiзоўваць на iх закрытай тэрыторыi аўтамабiльныя стаянкi для захоўвання транспартных сродкаў тэрмiнам да аднаго месяца ў адпаведнасцi з рашэннямi мясцовых выканаўчых i распарадчых органаў. Колькасць месцаў на аўтастаянцы павiнна адпавядаць названай у праектнай дакументацыi.

Плата за паслугi аўтастаянкi ўстанаўлiваецца ў парадку, што вызначаецца Мiнiстэрствам эканомiкi, i ў адпаведнасцi з дагаворам памiж яе ўладальнiкам i ўладальнiкам транспартнага сродку дыферэнцыравана, у залежнасцi ад працягласцi захоўвання машыны: да адной гадзiны i больш за адну гадзiну. Дыферэнцыяцыя платы за захоўванне транспартнага сродку на тэрмiн больш за адну гадзiну (у залежнасцi ад працягласцi захоўвання транспартнага сродку) устанаўлiваецца ўладальнiкам стаянкi самастойна.