«Iльготы» пад пагрозай?

Источник материала:

У прыватнасцi, на думку прафсаюзаў, адтэрмiноўка разгляду неабходна для пошуку новых падыходаў да пункта 3 артыкула 17 законапраекта. Гэты пункт прадугледжвае адмену да дасягнення агульнаўсталяванага пенсiйнага ўзросту выплаты пенсii асобам, якiя атрымалi права на iх датэрмiнова, пры ўмове працягу работы ў шкодных умовах.

Апроч таго, адзначыла Iрына Каганец, патрабаванне перагляду законапраекта мае iншыя тлумачэннi. Закон вызначае, што пенсiйнае забеспячэнне работнiкаў з асаблiвымi ўмовамi працы з даты ўзнiкнення права на датэрмiновую пенсiю i да агульнаўсталяванага пенсiйнага ўзросту павiнна рабiцца за кошт мэтавых дадатковых адлiчэнняў наймальнiкаў. Аднак, лiчаць у Федэрацыi прафсаюзаў, наступствы такой формулы могуць быць самымi нечаканымi — замест укаранення новых тэхналогiй i паляпшэння ўмоў працы наймальнiкi будуць iмкнуцца зменшыць памер страхавых узносаў i, адпаведна, спрабаваць рознымi шляхамi скарацiць Спiсы вытворчасцяў, работ, прафесiй, пасад i паказчыкаў, якiя даюць права на датэрмiновую пенсiю.

У вынiку, мяркуюць у ФПБ, прапанаваная рэдакцыя законапраекта пагоршыць становiшча работнiкаў шэрагу горадаўтваральных прадпрыемстваў, дзе значная частка работнiкаў занята ў шкодных умовах. У прыватнасцi, гаворка тут можа iсцi аб работнiках такiх прадпрыемстваў, як «Беларуськалiй», «Гродна-Азот», «Нафтан», а таксама светлагорскае i магiлёўскае вытворчыя аб’яднаннi «Хiмвалакно».