Другое нараджэнне «Голаса Радзiмы»

Источник материала:

— Адсюль i логiка спалучэння двух выданняў, якiя ў пэўнай ступенi маюць аднолькавыя адрасы дастаўкi газет, — гаворыць рэдактар «The Minsk times» i па сумяшчальнiцтву рэдактар «Голаса Радзiмы» Вiктар Харкоў. На яго думку, беларускамоўная газета ў вынiку набыла сучаснае палiграфiчнае афармленне, што вельмi важна для яе паспяховага распаўсюджвання за мяжой i ўдала па зместу дапаўняе «The Minsk times».

— «Голас Радзiмы» — вельмi ўдалая назва, яна шчырая, эмацыянальна афарбаваная, узнёслая i зразумелая па сутнасцi. Таму мы i надалей будзем рабiць усё магчымае, каб нашы чытачы на розных кантынентах, вобразна кажучы, яшчэ больш дакладна адчувалi пульс жыцця сучаснай незалежнай Беларусi, — гаворыць Вiктар Харкоў.

Нагадаем, сёння ў свеце па-за межамi Беларусi пражывае тры з паловай мiльёны этнiчных беларусаў. У многiх краiнах дзейнiчаюць дыяспары, грамадскiя аб’яднаннi нашых суайчыннiкаў. Менавiта гэтыя людзi — чытацкая аўдыторыя «Голаса Радзiмы».

— Мы ж паспрабуем зрабiць так, каб друкаванае слова адгукнулася ў сэрцы, а мова ўскалыхнула памяць, адрадзiла ўспамiн аб былых мясцiнах жыцця. Разам прыгадаем i гiсторыю, — кажа рэдактар газеты. Цяпер ужо штотыднёвiк «Голас Радзiмы» хутка заявiць аб сабе ў Iнтэрнэце.