Зорны паход БДПУ

Источник материала:

42 гады таму ўпершыню выправiлiся ў паход на лыжах i з рукзакамi за плячыма 5 атрадаў БДПУ — такая вось своеасаблiвая пяцiканцовая зорка атрымалася. Гэткая сiмвалiчнасць i вызначыла назву мерапрыемства. Нягледзячы на тое, што сёлета было ўтворана 10 атрадаў, слаўную традыцыю нiхто не парушае. З цягам часу змянiлася хiба што скiраванасць паходу: да традыцыйнай культурна-спартыўнай праграмы дабавiлася прафарыентацыйная дзейнасць.

Адбор студэнтаў для Зорнага паходу ледзь не як для Фабрыкi зорак — такi ж жорсткi! Сёлета 5 атрадаў накiравалiся ў Асiповiцкi раён i столькi ж — у Пухавiцкi. Старт быў дадзены 23 студзеня ля помнiка студэнтам i выкладчыкам БДПУ, якiя загiнулi ў часы Вялiкай Айчыннай вайны, а завяршыцца ўсё дзейства 27-га.

За 5 дзён хлопцы i дзяўчаты паспяваюць зрабiць шмат карыснага: даюць канцэрты ў школах i Дамах культуры, праводзяць спартыўныя спаборнiцтвы (нездарма дэвiз сёлетняга паходу «Здаровы я — здаровая краiна!»), аказваюць дапамогу ветэранам, ускладваюць кветкi да помнiкаў, праводзяць выхаваўча-азнаямленчую, метадычную работу, а будучыя псiхолагi яшчэ наладжваюць шматлiкiя трэнiнгi, семiнары.

Некаторыя студэнты ўдзельнiчаюць у паходзе ажно чацвёрты год запар — вядома ж, столькi ўражанняў! Iх не страшаць нават спартанскiя ўмовы пражывання: адны абыходзяцца без гарачай вады, у кагосьцi ўмовы на дварэ, а iншым даводзiцца начаваць у спальнiках, праўда, не ў палатках, а ў спартыўнай зале той цi iншай школы. У Пухавiчах, напрыклад, «зорачак» сустракалi нават з аркестрам!