Спагнанне алiментаў

Источник материала:

Мая дачка развялася з мужам. Ад шлюбу ў iх ёсць дачка, алiменты на якую пры разводзе не спаганялiся. Былы муж перыядычна купляе адзенне, абутак i iншыя рэчы для дачкi, iншы раз высылае нязначныя сумы грошай. Растлумачце, калi ласка, цi можа мая дачка патрабаваць ад былога мужа выплаты алiментаў за ўвесь перыяд з моманту скасавання шлюбу? У пастанове суда аб гэтым нiчога не сказана.

А.Г. Бобрык, Валожын.

Закон прадастаўляе права таму з бацькоў, з кiм засталося дзiця, у любы час звярнуцца ў суд за спагнаннем алiментаў. Магчымасць такога звароту не абмежавана якiмi-небудзь умовамi i не залежыць ад паводзiнаў асобы, абавязанай плацiць алiменты.

Згодна з артыкулам 109 Кодэкса РБ аб шлюбе i сям’i, асоба, якая мае права на атрыманне алiментаў, можа звярнуцца з заявай аб спагнаннi алiментаў у суд незалежна ад тэрмiну, якi прайшоў з моманту ўзнiкнення права на алiменты.

Алiменты прысуджаюцца на будучы час з моманту звароту з заявай у суд.

Алiменты могуць быць спагнаны i за прошлы час, але не больш чым за тры папярэднiя гады, калi судом будзе ўстаноўлена, што да звароту ў суд прымалiся меры да атрымання сродкаў на ўтрыманне, аднак алiменты не былi атрыманы па прычыне ўхiлення асобы, абавязанай плацiць алiменты, ад iх уплаты, а таксама ў выпадках, прадугледжаных часткай другой артыкула 105 Кодэкса (калi алiменты пералiчваў iх атрымальнiку наймальнiк асобы, абавязанай плацiць алiменты, на падставе яе заявы аб гэтым, а пры перамене месца працы ўзнiкла запазычанасць).

Пад прыняццем мераў да атрымання сродкаў на ўтрыманне разумеюцца любыя дзеяннi атрымальнiка алiментаў: зварот з патрабаваннем да асобы, абавязанай плацiць алiменты, накiраванне пiсьмаў яго сваякам з просьбай аб аказаннi дапамогi ў атрыманнi алiментаў, спробы ўстанаўлення месца яго жыхарства або працы i iншыя.