Тонкая сасёнка

Источник материала:

Анталогiя беларускай песнi

Наталля Раманская, салiстка ансамбля «Бяседа», мае прыгожы голас — лiрычнае сапрана. У спеве яна вельмi тонка перадае духоўны змест песнi, стварае запамiнальныя мастацкiя вобразы i малюнкi. Спявачка стала першай выканаўцай (сола i ў дуэце) шэрагу вакальных твораў Леанiда Захлеўнага, Уладзiмiра Карызны-малодшага. З вялiкiм майстэрствам яна выконвае песнi «Дарога ля жыта», «Калiна ў полi», «Ночка-ночанька», «Зорачка мая», «Падаюць зоры», «На азёрах сiнiх» i iншыя. Сярод iх — i беларуская народная песня «Тонкая сасёнка», у якой разгорнутае параўнанне з сiмвалiчным дрэвам дапамагае артыстцы асвятлiць будучы шлях маладой дзяўчыны.

Мiхась ШАВЫРКIН.

Беларуская народная песня

Тонкая сасёнка ў лесе зашумела,

Малада дзяўчыначка замуж захацела.

Цi ты, дзяўчыненька, век хлеба не ела,

Што ты, маладзенька, замуж захацела?

Лепей стань, падумай, каб не ашукацца.

Будзе табе горай, як у роднай мацi.

Сядзеш над калыскай, будзеш калыхацi:

«Люлi, люлi, мой сыночак», песенькi спявацi.