Рэальнае пачуццё

Источник материала:

Выставы

«Артэль» змагла аб’яднаць тых, хто, здаецца, iснуе ў сваiм адмысловым свеце, хто самадастатковы i каму не патрэбныя дапаўненнi i ўдакладненнi. Але ўсе разам яны даюць адчуванне найбольш поўнай рэальнасцi, дзе паралельна ёсць некалькi вымярэнняў, i ўсе яны перасякаюцца ў адной кропцы, iмя якой — любоў. Выстава дае магчымасць адначасова ўбачыць творы Рыгора Iванова i Сяргея Рымашэўскага, Валянцiна Губарава i Сяргея Малiшэўскага, Аляксандра Забаўчыка, Матвея Басава, Уладзiмiра Ганчарука, Сяргея Пiсарэнкi, Васiля Касцючэнкi i Алены Шлегель. Iдэолагам аб`яднання стаў мастак Рыгор Несцераў, якi ўпэўнены: «Пачуццё кахання рэальнае, каб выразiць яго ў мастацтве, патрэбна праўда, вернасць унутранаму голасу, шчырасць i пачуццё меры... Пачуццё кахання нiколi не фальшывiць — яно альбо ёсць, альбо яго няма...» «Тэрыторыя кахання» абвешчана ў музеi да 17 лютага.

Вяртанне дадому

Творы Фёдара Савельева да яго 90-годдзя выстаўляюцца ў Беларусi. Пасля вайны беларускi мастак жыў i ствараў у Расii — на Курскай зямлi.

Натхняючыся курскiмi краявiдамi, яблыневымi садамi, арабiнамi, ён знайшоў лепшыя тэмы для сваiх карцiн, аддаў перавагу пейзажу. На радзiме, у Вiцебскай вобласцi, была свая прыгажосць, якую Фёдар Савельеў навучыўся адчуваць з дзяцiнства i якой не здрадзiў, калi знайшоў сваё месца на зямлi. Як мастак ён апяваў цудоўны боскi свет, рабiў гэта лiрычна i нават мужна: ужо тады, калi дрэнна перасоўваўся па хаце, ствараў — тое, што бачыў з акна свайго дома. Можа таму жыццялюбiства савельеўскiх пейзажаў i нацюрмортаў ацанiлi далёка за межамi — у Германii, Францыi, Амерыцы, дзе яго творы знаходзяцца ў музеях i прыватных калекцыях. Цяпер iх можна ўбачыць у роднай Беларусi на выставе, якая адкрылася ў Палацы мастацтва.