У Беларусi для спынення каналаў гандлю рабамi створаны дакладны каардынацыйны механiзм

Источник материала:

Канферэнцыя была арганiзавана пастаяннымi прадстаўнiцтвамi Беларусi i Фiлiпiн пры ААН, Упраўленнем ААН па наркотыках i злачыннасцi i буйнейшай мiжнароднай няўрадавай арганiзацыяй «Вайтл Войсiз». Як паведамiлi ў МЗС, на мiжнароднай канферэнцыi Беларусь прадстаўлялi Наталля Пяткевiч i мiнiстр унутраных спраў Уладзiмiр Навумаў. У сваiм выступленнi Наталля Пяткевiч адзначыла, што Беларусь першая на постсавецкай прасторы разгарнула маштабную барацьбу з гандлем людзьмi, зрабiла шэраг захадаў у мэтах прадухiлення ўцягнення самых неабароненых слаёў насельнiцтва — жанчын i дзяўчынак — у злачынны бiзнэс. У Беларусi на нацыянальным узроўнi створаны дакладны каардынацыйны механiзм для выяўлення i спынення каналаў гандлю рабамi, пакарання арганiзатараў гэтых злачынстваў i рэабiлiтацыi былых ахвяр гандлю людзьмi. Беларусь iмкнецца да стварэння такога ж дакладнага каардынацыйнага механiзма i на мiжнародным узроўнi пад эгiдай ААН. Выказана надзея на тое, што канферэнцыя дасць пачатак мiжнароднаму працэсу, якi прывядзе да распрацоўкi стратэгii ААН па барацьбе з гандлем людзьмi. Многiя ўдзельнiкi канферэнцыi падкрэслiлi, што форум у ААН унясе важкi ўклад у падрыхтоўку Глабальнай мiжнароднай канферэнцыi па барацьбе з гандлем людзьмi, правядзенне якой запланавана ў Вене ў лiстападзе 2007 года.