Аляксандр Лукашэнка ў блiжэйшы час наведае Венесуэлу

Источник материала:

Вiктар Шэйман далажыў Прэзiдэнту аб вынiках вiзiту ўрадавай дэлегацыi Беларусi ў Венесуэлу.

У ходзе вiзiту падпiсана ў агульнай колькасцi 24 пагадненнi, кантракты, мемарандумы. Заключаны кантракты па пастаўцы ў Венесуэлу беларускай тэхнiкi, у тым лiку трактарнай, аўтамабiльнай, аўтадарожнай, тэлевiзараў, халадзiльнiкаў, а таксама прадуктаў харчавання. Дасягнуты шэраг пагадненняў у галiне сельскай гаспадаркi, машынабудавання, у прыватнасцi, прыняты рашэннi па стварэнню зборачных вытворчасцяў беларускай тэхнiкi.

Па дамоўленасцi з прэзiдэнтам Уга Чавесам Венесуэла выдзяляе беларускаму боку ўчасткi для здабычы нафты з развiтай iнфраструктурай. Гэта дасць магчымасць, пачынаючы з 2008 года, здабываць не менш як 2 млн т нафты штогод.

Да жнiўня 2007 года плануецца таксама стварыць сумеснае прадпрыемства па здабычы нафты ў Венесуэле.

Як было даложана кiраўнiку беларускай дзяржавы, дасягнуты шэраг дамоўленасцяў у галiне будаўнiцтва жылля як у самой сталiцы, так i ў рэгiёнах Венесуэлы. Прынята рашэнне i аб будаўнiцтве беларускiмi спецыялiстамi цагельнага завода з аб’ёмам выпуску цэглы не менш як 100 млн штук у год, завода жалезабетонных вырабаў.

У Венесуэле абмяркоўвалiся розныя напрамкi мiжнароднага супрацоўнiцтва. Як адзначыў Дзяржсакратар Савета Бяспекi, па большасцi праблемных пытанняў мiжнароднай палiтыкi нашы пазiцыi супадаюць.

Кiраўнiк дзяржавы таксама падкрэслiў, што ў беларускага боку склалiся самыя даверныя адносiны з венесуэльскiмi калегамi па ўсiх пытаннях двухбаковага ўзаемадзеяння.