Главная
Гороскопы
«Калёсы едуць нармальна, але вельмi павольна...»
Алена КАЗЛОВА
Прадпрымальнiцтва У пятнiцу ў Магiлёве прайшло пасяджэнне Савета па развiццю прадпрымальнiцтва пры Прэзiдэнце Рэспублiкi Беларусь. На iм старшынстваваў мiнiстр статыстыкi i аналiзу Беларусi Уладзiмiр Зiноўскi.Члены Савета наведалi магiлёўскае прыватнае прадпрыемства машынабудавання «Тэхналiт», якое сёння выпускае iмпартазмяшчальную прадукцыю. Менавiта развiццё вытворчага прадпрымальнiцтва стала прадметам абмеркавання Савета. Паводле статыстыкi, сёння 40 працэнтаў малых прадпрыемстваў i 80 працэнтаў iндывiдуальных прадпрымальнiкаў занятыя гандлем, прычым у большасцi iмпартнай прадукцыяй. Паводле слоў Уладзiмiра Зiноўскага, прыватнiкам надыходзiць час развiвацца i пераходзiць у рэальны сектар эканомiкi, у вытворчую сферу. Савет вывучаў, чым можна сёння дапамагчы прадпрымальнiкам, якiя працуюць у вытворчасцi. Яны расказвалi пра свае праблемы: пра складанасцi з атрыманнем банкаўскiх крэдытаў, адсутнасць доступу да сыравiны, пра павелiчэнне арэнднага кошту вытворчых плошчаў, пра мытныя перашкоды пры ўвозе ў краiну тэхналагiчнага абсталявання i гэтак далей. Прыватнiкi просяць стварыць гарантыйны дзяржаўны фонд: без гэтага, паводле iх меркавання, масавых iнвестыцыйных праектаў у вытворчай сферы не будзе. А таксама шырока i паўсюдна перадаваць iм асноўныя фонды: у першую чаргу, будынкi, якiя не выкарыстоўваюцца альбо недабудаваныя. Паводле слоў аднаго з удзельнiкаў пасяджэння, «калёсы едуць нармальна, але вельмi павольна». Мiж тым, для канкрэтнага асяроддзя важныя час, хуткасць вырашэння пытанняў. Праблемы, узнятыя на пасяджэннi Савета па развiццю прадпрымальнiцтва, будуць абагульнены i даложаны кiраўнiцтву краiны.
Чтобы разместить новость на сайте или в блоге скопируйте код:
На вашем ресурсе это будет выглядеть так
У пятнiцу ў Магiлёве прайшло пасяджэнне Савета па развiццю прадпрымальнiцтва пры Прэзiдэнце Рэспублiкi Беларусь. На iм старшынстваваў мiнiстр статысты
|
|