Главная
Гороскопы
Калi ты, чалавек, Чалавек...
Валянцiна ДОЎНАР
Конкурсы Сёлета пад эгiдай Мiжнароднага бюро Сусветнага паштовага Саюза (СПС) i ЮНЕСКО ў 36-ы раз праводзiцца эпiсталярны конкурс. Гэта значыць, што мiльёны маладых людзей (да 15 гадоў) з усiх куточкаў свету напiшуць мiльёны лiстоў жыхарам планеты ад iмя... дзiкай жывёлiны, якой пагражае небяспека з-за змяненняў у прыродных умовах i клiмаце... I потым, тое ж бюро СПС, вызначыць, у каго гэта атрымалася лепш — на мiжнародным узроўнi.Днямi аўтарытэтнай камiсiяй ў складзе намеснiка генеральнага дырэктара РУП «Белпошта» Iрыны Саксонавай, галоўнага iнспектара Мiнiстэрства адукацыi Раiсы Сiдарэнка, прадстаўнiкоў рэспублiканскiх СМI падведзены вынiкi Беларускага рэспублiканскага конкурсу. Гэта значыць, абрана сачыненне-лiст, якi будзе прадстаўляць нашу краiну ў горадзе Берне (Швейцарыя). Трэба зазначыць, што зрабiць гэта — выбраць лепшае — было досыць складана, бо ўсе работы краналi сваёй назiральнасцю, сваёй трывогай за будучыню, сваёй непасрэднасцю i шчырасцю. Лiсты-звароты да людзей пiсалiся гарадскiмi дзецьмi i вясковымi, вучнямi выпускных класаў i пятых, ад iмя мядзведзiкаў i кажаноў, суслiкаў i норак... З агульнай трывогай i просьбай да чалавека. «Не магу зразумець цябе, — пiсала, напрыклад, маленькае Бабраня. — Калi ты самы моцны на Зямлi, значыць, ты павiнен будаваць, а ты разбураеш. Калi ты самы дужы на Зямлi, значыць, павiнен баранiць нас, слабых, а ты забiваеш. Калi ты самы справядлiвы на Зямлi, значыць, павiнен змагацца са злом, а ты яго заахвочваеш... Калi ты самы разумны на Зямлi, значыць, павiнен прыносiць карысць... Калi ў цябе самае высакароднае сэрца, то чаму яно абыякавае да нас, маленькiх жывых iстот?» Над гэтымi пытаннямi, на агульную думку камiсii, варта падумаць усiм насельнiкам планеты. А сфармуляваў iх — Аляксей Гаўрылiк, вучань 5-га класа Iллянскай сярэдняй школы Вiлейскага раёна. Першае месца! Шмат цiкавых думак i высноў было ў аўтараў iншых работ. У вынiку, разгледзеўшы ўсе, конкурсная камiсiя прыняла рашэнне прысудзiць трэцяе месца Юлii Каралеўскай, дзесяцiкласнiцы сталiчнай гiмназii № 50; Настассi Дзямiдавай, дзевяцiкласнiцы Карэбскай базавай школы Дрыбiнскага раёна; Яўгенii Зубрыцкай, сямiкласнiцы СШ № 1 г.п. Лёзна i Юлii Кацёл, дзевяцiкласнiцы раённага лiцэя г. Маларыта. Другое месца заваявалi работы Вольгi Нянашавай, пяцiкласнiцы Гомельскай гарадской шматпрофiльнай гiмназii № 14 i Юлii Гурэцкай, шасцiкласнiцы Валеўскай сярэдняй школы, што на Навагрудчыне... Усе пераможцы будуць узнагароджаны спецыяльнымi паштовымi сувенiрамi ад РУП «Белпошта» i грашовымi прэмiямi. Заахвочаны будуць i iх настаўнiкi беларускай i рускай моў. Вынiкi ж мiжнароднага конкурсу будуць аб’яўлены ў кастрычнiку.
Чтобы разместить новость на сайте или в блоге скопируйте код:
На вашем ресурсе это будет выглядеть так
Сёлета пад эгiдай Мiжнароднага бюро Сусветнага паштовага Саюза (СПС) i ЮНЕСКО ў 36-ы раз праводзiцца эпiсталярны конкурс. Гэта значыць, што мiльёны ма |
|