Чэмпiянат стартаваў

Источник материала:

Гульня № 1

У першым туры дзеючы чэмпiён, барысаўскi БАТЭ, выйграў на сваiм полi ў гродзенскага «Нёмана» — 2:1. Не змог утрымаць лiдарства ў гасцях у жодзiнскага «Тарпеда» вiцэ-чэмпiён, мiнскае «Дынама», — 2:2. Бронзавы прызёр, салiгорскi «Шахцёр», разграмiў ждановiцкую «Дарыду» — 3:0. У сустрэчы навiчкоў вышэйшай лiгi мацнейшай за «Мiнск» аказалася «Смаргонь» — 2:1. «Гомель» выйграў у наваполацкага «Нафтана» — 3:1, «Вiцебск» прайграў магiлёўскаму «Дняпру» — 0:2, а брэсцкае «Дынама» — сталiчнаму МТЗ-РIПА — 0:1. Наступны тур пройдзе 21—22 красавiка.

Курнеў развiтаўся з «Каўнасам»

Беларускi трэнер Уладзiмiр Курнеў адпраўлены ў адстаўку з пасады галоўнага настаўнiка лiтоўскага «Каўнаса». Кiраўнiцтва клуба палiчыла, што пры Курневе каманда не паказвала вiдовiшчны футбол, хоць i лiдзiравала ў чэмпiянаце.

Ведай нашых!

Медаль вагой 266 кiлаграмаў

На чэмпiянаце Еўропы па цяжкай атлетыцы ў Страсбургу (Францыя) сярэбраным прызёрам стаў беларус Вiталь Дзербянёў (вага 56 кг). У суме дваябор’я наш зямляк паказаў вынiк 266 кг: Вiталь адолеў штангу вагой 122 кг i быў лепшым у рыўку, а ў штуршку спартсмен узяў 144 кг i паказаў другi вынiк.

Першыя ракеткi Масквы... з Беларусi

Беларускiя тэнiсiсты Уладзiмiр Валчкоў i Сяргей Бетаў сталi пераможцамi мiжнароднага турнiру ў Маскве. У фiнале парнага разраду наш дуэт выйграў у расiян Яўгена Кiрылава i Канстанцiна Краўчука — 7:6, 6:3.

Шайбу, шайбу!

На чарзе нарвежцы

Нацыянальная зборная па хакею двойчы святкавала перамогу ў таварыскiх матчах з iтальянцамi на выездзе — 4:1 (шайбы закiнулi Угараў, Дзямагiн, Дзянiсаў, Курылiн) i 3:1 (вызначылiся Антоненка, Бараўкоў, Кукушкiн). Надышоў час паглядзець на беларусаў на сваім лёдзе. 20 красавiка падначаленыя Курта Фрэйзера згуляюць супраць нарвежскiх iгракоў у Мiнску, а 21-га — у Жлобiне. Перад чэмпiянатам свету, якi пачнецца 27 красавiка, беларусы правядуць яшчэ адзiн замежны спарынг — са славакамi.