Электронная Беларусь

Источник материала:

Паводле яго слоў, яўных аўтсайдараў ў гэтым працэсе сёння няма. «За апошнi год сталi ўсе «падцягвацца». Усе зразумелi, што гэта не проста нейкая кампанiя, а патрабаванне жыцця. Таму сёння вялiкага разрыву памiж мiнiстэрствамi i ведамствамi не iснуе», — заявiў намеснiк мiнiстра.

Ён паведамiў таксама, што за час рэалiзацыi Праграмы (з 2003 года) больш за ўсё праектаў (36) было здадзена летась. Усяго ж на сёння рэалiзавана амаль 50 праектаў Праграмы.

Сёлета пры ралiзацыi Праграмы плануецца ўжо «адыходзiць ад стварэння iнфармацыйных сiстэм мiнiстэрстваў i ведамстваў» i пераходзiць да стварэння «базавых iнфармацыйных рэсурсаў». Так, плануецца стварыць рэгiстр народанасельнiцтва (праект рэалiзуецца на базе МУС) i рэгiстр юрыдычных асобаў (праект рэалiзуецца на базе Мiнiстэрства юстыцыi). Трэцi базавы праект, якi будзе рэалiзоўвацца сёлета, — стварэнне электроннага кадастру ўласнасцi. «Гэта ўлiк усiх зямель, будынкаў, водных рэсурсаў i лясных масiваў».

У 2008—2010 гадах у Беларусi павiнен пачацца наступны этап ажыццяўлення Праграмы «Электронная Беларусь» — пераход да «электроннага ўрада», калi дзяржава будзе мець магчымасць працаваць «у электронным выглядзе» як з бiзнэсам, так i з насельнiцтвам.

Мiкалай Струкаў паведамiў таксама, што рэалiзацыю Праграмы стрымлiвае недахоп сродкаў (на яе рэалiзацыю выдзяляюцца сродкi з дзяржаўнага бюджэту). Для таго, каб выправiць сiтуацыю, сёння разглядаецца пытанне прыцягнення сродкаў мiнiстэрстваў i ведамстваў, якiя закранаюць тыя цi iншыя праекты.

Таксама стрымлiвае рэалiзацыю Праграмы тое, што «не ўсе групы людзей гатовыя карыстацца паслугамi, якiя мы прапануем» з-за стэрэатыпаў, недастатковага ўзроўню адукацыi i з-за таго, што сёння па кошту «камп’ютар не для ўсiх даступны».