Заява Пастаяннай камiсii Палаты прадстаўнiкоў Нацыянальнага сходу Рэспублiкi Беларусь

Источник материала:

Дэпутаты Палаты прадстаўнiкоў Нацыянальнага сходу Рэспублiкi Беларусь далучаюцца да парламентарыяў i грамадскасцi многiх дзяржаў свету, якiя выказалi пратэст у сувязi з незаконным затрыманнем праваахоўнымi органамi Злучаных Штатаў Амерыкi пяцярых грамадзян Рэспублiкi Куба i iх утрыманнем больш як восем гадоў у турмах ЗША.

Мiжнародная супольнасць прызнае Антонiо Герэра Радрыгеса, Фернандо Гансалеса Iорта, Херардо Эрнандэса Нардэло, Рамона Лабаньiно Салараса i Рэне Гансалеса Счверэта ахвярамi абуральнай несправядлiвасцi i палiтычнай прадузятасцi. Пачынаючы з моманту затрымання кубiнскiх патрыётаў да гэтага часу iх правы пастаянна парушаюцца.

Парламентарыi Беларусi глыбока ўстрывожаны парушэннем канстытуцыйных нормаў i выступаюць за справядлiвае патрабаванне аб неадкладным вызваленнi кубiнскiх грамадзян, падтрымка ў абарону якiх прыняла шырокi мiжнародны размах.

Мы перакананы, што кубiнскае пытанне павiнна вырашацца дыпламатычным шляхам, i заклiкаем ЗША выкарыстаць усе магчымасцi для перагляду прыгавораў i вынясення справядлiвых рашэнняў у адносiнах да кубiнскiх грамадзян, тым самым прадэманстраваўшы сваю павагу да мiжнароднай грамадскай думкi.

Беларускiя парламентарыi салiдарныя з заявамi парламентарыяў многiх еўрапейскiх краiн, у тым лiку дэпутатаў Еўрапейскага парламента, i звяртаюцца да парламентаў усiх дзяржаў з заклiкам прыняць усе неабходныя меры, каб спынiць гэтую жорсткую акцыю i насiлле над патрыётамi Кубы.

27 красавiка 2007 года

г. Мiнск