Дабрачынны марафон

Источник материала:

Гаворыць i паказвае...

1 чэрвеня, у Мiжнародны дзень абароны дзяцей, на Першым нацыянальным канале Беларускага радыё ў прамым эфiры адбудзецца кругласутачны радыёмарафон. Госцi студыi — прадстаўнiкi органаў улады, вядомыя палiтычныя i грамадскiя дзеячы, зоркi беларускай эстрады. Падрыхтаваны таксама шэраг рэпар- тажаў пра выхаванцаў дамоў-iнтэрнатаў. Гэтаксама сёння ў рамках акцыi «Радыус-FM» наладжвае ў сталiчным парку Горкага святочны канцэрт.

2 чэрвеня вядучыя Першага канала радыё i «Радыус-FM» самi накiруюцца ў госцi да дзяцей, якiя знаходзяцца на лячэннi ў НДI анкалогii i медыцынскай радыялогii ў Бараўлянах.

Ход акцыi, што пройдзе пад дэвiзам «Падорым цяпло i клопат кожнаму дзiцяцi», будуць асвятляць усе радыё- i тэлеканалы Белтэлерадыёкампанii. Працягнецца збор сродкаў, дарэчы, па 30 чэрвеня ўключна, а грашовыя сродкi прымаюцца на наступныя дабрачынныя рахункi:

№ 3642900000278 у беларускiх рублях,

№ 3642900000281 у доларах ЗША,

№ 3642900000294 у расiйскiх рублях,

№ 3642900000308 у еўра

у фiлiяле № 510 ААБ «Беларусбанк», код банка 603, УНП 100 633 430.

Матэрыяльная падтрымка будзе аказана дзiцячым дамам-iнтэрнатам, што ўваходзяць у сiстэму Мiнiстэрства працы i сацыяльнай абароны краiны — у iх выхоўваюцца дзецi з асаблiвасцямi псiхафiзiчнага развiцця. На дадзены момант такiх дзяцей у Беларусi больш як 1,7 тысячы. У прыватнасцi, сродкi накiруюцца на адрас Рэспублiканскага рэабiлiтацыйнага цэнтра для дзяцей-iнвалiдаў у Мiнску, Багушэўскага, Гарадзiшчанскага, Чэрвеньскага дзiцячых псiханеўралагiчных дамоў-iнтэрнатаў, Рэчыцкага, Iвянецкага, Вясноўскага, Васiлiшкаўскага дамоў-iнтэрнатаў для дзяцей-iнвалiдаў з асаблiвасцямi фiзiчнага i псiхафiзiчнага развiцця.