У чэрвень — з Мiрам!

Источник материала:

Iмпрэза

- будзе камерная музыка з праграмай «Знакамiтыя iмёны Беларусi». Яе выканаюць камерныя калектывы Нацыянальнага канцэртнага аркестра Беларусi. Мiж iншым, будуць iграць музыку былых уладароў замка. А хто не хоча адчуць сябе хоць трошкi панам, для якога iграюць лепшыя музыкi дзяржавы?;

- папулярная музыка будзе для таго, «...Каб песняй напоўнiць нябёсы». Гэта ўмеюць рабiць салiсты таго ж аркестра, якiя спяваюць без «фанеры» на любой пляцоўцы. А калi побач замак, то i ён дапаможа перадаць асаблiвы дух Беларусi. Тым больш, што песнi будуць услаўляць Янку Купалу i Якуба Коласа. Песняроў, якiя ўмеюць кранаць словамi з самой вечнасцi;

- народная музыка, здаецца, адтуль жа. Яна зараджае энергiяй i шчырасцю «Напеваў Карэлiч- чыны». Асаблiва, калi побач народны кiрмаш i горад майстроў, нiбыта з даўнiх часоў;

- пра тое, што было раней, i як узнiкалi iншыя беларускiя гарады i знакавыя будынкi, ведаюць нашы навукоўцы. У iх у «Мiрскiм замку» свая праграма. I часам бывае вельмi шкада, што выступленнi навукоўцаў не транслююцца на ўсю тэрыторыю вакол замка;

- затое даступная для наведвальнiкаў фотавыстава «Мiрскi замак — крынiца натхнення», якую прадстаўляюць сябры фотаклуба «Гродна», якiя па-свойму глядзяць на галоўны будынак гiстарычнага мястэчка;

- дык i ёсць тут адчуванне сапраўднага старажытнага беларускага горада, дзе ходзяць рыцары пры поўнай амунiцыi. У iх свая мэта — адстаяць гонар у рыцарскiм турнiры. Хоць зразумела, што тут усе свае i нiхто нi з кiм не змагаецца;

- нават процiлегласцi сустракаюцца ў адной праграме, дзе наша будзе супраць iхняга. «Наша» ўвасобiць Народны хор iмя Цiтовiча пад кiраўнiцтвам прафесара Дрынеўскага. «Iхняе», зразумела, — джаз ад аркестра пад кiраўнiцтвам прафесара Фiнберга. Значыць, што яно ўжо таксама наша. Тым больш што ў Мiры джаз будзе гучаць не ўпершыню.

Фестываль пяты i арганiзатары навучылiся рабiць яго зручным для публiкi. Тым больш што на яго збiраюцца не толькi мясцовыя жыхары, а прыязджаюць людзi спецыяльна нават са сталiцы. Таму што каб атрымаць яшчэ дзе-небудзь столькi задавальнення адразу — трэба вельмi пастарацца.