Лекавы зялёны чай

Источник материала:

Iнфарм-укол

Нягледзячы на тое, што эфект спальвання тлушчу зялёным чаем не даказаны, адмаўляцца ад яго не варта, паколькi ў iм шмат карыснага. У прыватнасцi, комплекс катэхiнаў i вiтамiну С — антыаксiдантаў, якiя абараняюць ад раку.

ЛЕПЕЙ МЕНШ, ДЫ ЧАСТА

Вядома, што харчавацца трэба 6 разоў на дзень дробнымi порцыямi. Сутнасць тэорыi ў тым, што чым часцей мы ядзiм, тым больш энергii затрачвае арганiзм на ператраўлiванне ежы. Аднак даследчыкi ўнiверсiтэта ў штаце Юта сцвярджаюць, што калi i ёсць нейкiя перавагi ад такога падыходу да ежы, то яны мiнiмальныя.

Iншая справа, што частыя перакусы дапамагаюць лепей кантраляваць вагу, узровень цукру застаецца стабiльным на працягу дня, таму моцных прыступаў голаду не здараецца. Галоўны «плюс» — мы не пераядаем.

СТРОГА ПА ГРАФIКУ

Яшчэ больш эфектыўна, чым дробныя прыёмы ежы, харчавацца строга па графiку. Гэта вельмi важна для абмену рэчываў.

Выснова была зроблена на падставе працяглага назiрання за жывёламi, якiх кармiлi па гадзiнах. Тыя, хто не ведаў, калi iм дадуць паесцi, былi значна больш схiльнымi назапашваць калорыi, а значыць, i тлушчавую тканку. Вопыт праводзiўся толькi на жывёлах, аднак варта памятаць, што абменныя працэсы ва ўсiх жывых iстот працякаюць прыкладна аднолькава.

П’ЁМ, П’ЁМ, П’ЁМ

Наколькi вада ўплывае на метабалiзм, меркаваць рана, аднак усё роўна варта ўжываць яе як мага больш i пажадана ў ахалоджаным выглядзе, — тады арганiзм будзе затрачваць дадатковую энергiю на яе падагрэў.

I БЯЛКI, I ТЛУШЧЫ З ВУГЛЯВОДАМI

Вядома, што на расшчапленне тлушчаў арганiзм затрачвае 5 працэнтаў iх каларыйнасцi, на расшчапленне складаных вугляводаў (асноўная крынiца — збожжавыя) — 5—20 працэнтаў i на расшчапленне бялкоў — 10—30 працэнтаў.

З другога боку, самую працяглую энергiю, якая не дазваляе разгуляцца голаду, забяспечваюць менавiта складаныя вугляводы. Да таго ж яны служаць цудоўным палiвам для работы мышцаў i мозгу. Кожны прыём ежы павiнен быць камбiнаваным — утрымлiваць i вугляводы, i бялкi. Пры гэтым ужыванне апошнiх трэба абмежаваць 45 грамамi ў дзень. Каб выключыць залiшнюю нагрузку на ныркi.

КРЫШКУ ВОСТРАНЬКАГА

Нiхто не даказаў, што вострыя спецыi спрыяюць працэсу метабалiзму, аднак дадаць iх да абеду не нашкодзiць. Пякучы перац забiвае гнiласныя бактэрыi, што асаблiва актуальна летам, калi прадукты хутка псуюцца.