Нас яднае ваеннае мiнулае

Источник материала:

Да юбілею «Звязды» засталося 56 дзён

— Са «Звяздою» звязаны вельмi прыемныя ўражаннi. Напэўна таму, што яна па духу — пазiтыўная. А заўважаць добрае ў звычайных рэчах — вельмi неабходная якасць для журналiстаў. Выдатна, што вы распавядаеце аб дасягненнях у жыццi рэспублiкi, i добра, што звяртаеце ўвагу на недахопы: прэса — гэта як камiсар на фронце, якi сочыць за баявым духам, ведае, як яго падняць.

Вельмi прыемна, што са «Звяздою» мяне яднае менавiта ваеннае мiнулае. Газета, якая выдавалася ў падполлi — унiкальная з’ява. Яна перажыла самыя балючыя моманты для народа, адлюстроўвала яго пакуты, паказвала прыклад, як не губляць веру, рабiла вялiкую справу для Перамогi. I сёння яна шмат матэрыялаў прысвячае ваеннай тэме, за што ад нас, ветэранаў, вялiкi дзякуй. Напрыклад, артыкул са «Звязды» аб сустрэчы на Эльбе, удзельнiкам якой быў і я, прачыталi не толькi ў Беларусi — ён пайшоў ва Украiну, на маю радзiму, i быў успрыняты без праблем. Бачыце, газета — гэта не толькi сродак iнфармацыi, гэта яшчэ i летапiсец, i дапамога ў зносiнах памiж людзьмi, якiя праз яе могуць падтрымлiваць сувязi, даведвацца адзiн пра другога, радавацца за iншых, зведваць пачуццё гонару. Магу падзякаваць за супрацоўнiцтва ў такой важнай справе, як умацаванне сяброўства памiж рознымi народамi — у 45-м годзе, пазнаёмiўшыся з амерыканцамi, я зразумеў, як гэта важна для таго, каб у свеце больш не было войнаў i розныя народы разумелi адзiн аднаго. «Звязда» ж дапамагае лепш разумець беларусаў.

Канешне, кожны ваш чытач сам ведае, за што варта паважаць газету. Думаю, што 90-годдзе — годная дата, якую трэба святкаваць адпаведна, i каб такiх святаў у вас было яшчэ шмат. Таму што сёння газета сваiмi публiкацыямi спрыяе будаўнiцтву моцнай дзяржавы пад назвай Беларусь.